sábado, 6 de diciembre de 2025
Jon Jost estará na Coruña o día 24 para o primeiro pase público do seu novo traballo ás 20,30 h., co gallo do que ás 18,00 h. desa mesma tarde tamén ofrecerá unha master class de acceso gratuíto. Na véspera desta estrea arrancará, ademais, unha escolma que ofrecerá ata o 2 de decembro outras seis películas súas, entre elas algúns dos seus títulos máis coñecidos como All the Vermeers in New York, que será igualmente presentada polo seu director o día 23, Last Chants for a Slow Dance o día 30 ou Coming to Terms, xa en decembro.
Presentación e coloquio con Pedro Costa
Ademais, hoxe mesmo ás 19,00 h. a Filmoteca de Galicia recibe na súa Sala José Sellier o director portugués Pedro Costa con motivo da primeira proxección do ciclo que se lle dedicará ata marzo con dúas películas mensuais, unha da súa propia filmografía e a outra elixida por el mesmo como parte dunha carta branca que se lle propuxo. Costa presentará e participará nun coloquio arredor de Vitalina Varela, filme de 2019 sobre unha muller de Cabo Verde que chega a Lisboa tres días despois de celebrar o funeral do seu marido.
O 3 de novembro poderá verse a segunda sesión deste filme, mestres que os días 2 e 4 a cinemateca proxectará Diario de una casa rural, película de Robert Bresson seleccionada por Costa para este ciclo. Xa en decembro, será a quenda de O sangue, a súa ópera prima, e Stars in My Crown, de Jacques Tourneur. Nos meses seguintes, ademais doutras fitas do realizador portugués, este especial ofrecerá longametraxes de Jean-Marie Straub e Danièle Huillet, Mikio Naruse, Frank Borzage e curtas de Víctor Erice e Jean-Luc Godard.
Outra das novidades da carteleira de novembro na cinemateca galega é a incorporación ás súas sección habituais do novo apartado As filmotecas presentan..., que nace co fin de ofrecerlle ao público as máis recentes restauracións desenvolvidas por este tipo de centros en España e Portugal. As súas dúas primeiras propostas son El jefe político, unha película de 1925 restaurada pola Filmoteca Española, que será presentada polo historiador Daniel Sánchez Sala o día 23, e El filandón (1985), a partir do traballo realizado pola Filmoteca de Castilla y León, que poderá verse na Coruña o día 30.
Peche do especial Douglas Sirk
Ademais, en novembro concluirá o ciclo dedicado a Douglas Sirk cos seus cinco últimos títulos, entre os que se atopan grandes éxitos da súa carreira como Tiempo de amar, tiempo de morir (días 7 e 8), Escrito sobre el viento (días 11 e 14) ou Imitación a la vida (días 15 e 16).
En canto ás seccións habituais, Fóra de serie presenta Retratos fantasma, de Kleber Mendonça, os días 7 e 8; Passages, de Ira Sachs, os días 9 e 10, ou Orlando, a miña biografía política, de Paul B. Preciado, os días 28 e 29. Nesta nova carteleira mensual figuran, así mesmo, un Desencadres dedicado a Alberte Pagán o día 19 e mais as novas entregas de Off Galicia e Filmoteca Júnior.
O Auditorio Mar de Vigo acollerá o vindeiro 18 de decembro un concderto do artista portorriqueño Gilberto Santa Rosa dentro da programación musical de Concertos do Xacobeo. O artista portorriqueño, recoñecido mundialmente como 'El Caballero de la Salsa' e recentemente nomeado ao Grammy 2026 polo seu álbum Debut y Segunda Tanda, vol. 2, traerá ao Auditorio Mar de Vigo o seu espectáculo Navidades, unha proposta que combina a forza da salsa coa elegancia e a emoción que marcaron toda a súa carreira. A cita do 18 de decembro en Vigo forma parte dunha serie de concertos especiais coa que o artista celebra as festas acompañado pola súa orquestra habitual e unha posta en escena coidada ao detalle. O artista chega a esta cita nun momento especialmente significativo, tras ser nomeado ao Grammy 2026 polo seu álbum Debut y Segunda Tanda, vol. 2, recoñecido como un dos traballos máis destacados do xénero tropical latino este ano.
Galicia recibiu máis de 6,63 millóns de visitantes entre xaneiro e outubro, que sumaron 12,35 millóns de noites no mesmo período, rexistrando incrementos que superan o 2% en ámbolos dous indicadores. O gasto medio do turista do segundo semestre de 2025 situouse en 114,69 euros, un 5,8% máis que en 2024. Isto supón unha mellora da competitividade a da imaxe da oferta turística de Galicia, reforzando o seu carácter como destino serio, profesional e diferenciado sobre a base da calidade, sustentabilidade, cultura e boas prácticas.
