lunes, 27 de abril de 2026
A Xunta de Galicia persegue estes obxectivos por medio de diversas accións, que promoven a seguridade viaria desde todos os puntos de vista: mellora das infraestruturas, promoción da educación e formación viaria, bo estado do vehículo ou a priorización da seguridade viaria no lugar de traballo.
Reforzo da seguridade nas estradas
O goberno autonómico segue traballando na eliminación de tramos de concentración de accidentes, para o que ten asignado un orzamento de máis de 20 M para os vindeiros anos, sendo Galicia a única comunidades conseguiu que os fondos europeos FEDER financien este tipo de actuacións. As obras realizadas neste ámbito, cun investimento de 16,8 millóns de euros, permitiron reducir un 60% a sinistralidade destes puntos. As primeiras actuacións están a piques de rematar, coa finalización dos últimos traballos en vías autonómicas en Cangas, Moaña, Ponteareas e Sanxenxo. Estes traballos nos treitos de concentración de accidentes supuxeron o acondicionamento de 119 interseccións, a construción de 24 novas rotondas ou a mellora de 138 pasos de peóns.
Outra das liñas fundamentais de traballo é a conservación das estradas autonómicas, na que a Xunta de Galicia puxo en marcha en 2016 o Plan de Reforzos de Firme, cun orzamento anual en torno aos 20 M, para un total de máis de 115 M nos últimos seis anos para a mellora e conservación de vías autonómicas, garantindo a súa conservación e reforzando a seguridade viaria e a comodidade nos desprazamentos dos usuarios.
Por último, cabe destacar o pioneiro programa de inspección e xestión de obras de paso, muros e noiros, que conta por primeira vez este ano cunha partida específica 4,1 M.
Mobilidade segura e sostible
O goberno autonómico, dentro do seu obxectivo de acadar unha mobilidade segura e sostible no entorno das estradas, está a traballar na seguridade de peóns e ciclistas con máis de 250 quilómetros de sendas nos últimos 6 anos nas marxes das estradas autonómicas. Adicionalmente, os fondos Next Generation permitirán estender a rede de sendas executadas máis aló das estradas nas contornas das grandes cidades eixes de mobilidade sostible: vanse acometer itinerarios na cidade de Ourense para conectala de norte a sur, ao unir a intermodal coa Ponte Vella e completando a senda do Barbaña; tamén en Santiago, cun grande itinerario peonil e ciclista que unirá O Milladoiro coa intermodal, os hospitais e San Caetano; ou en Pontevedra, conectando con Marín a través da mellora integral na estrada autonómica PO-546.
Tamén se está traballando para mellorar a seguridad de 1.100 paradas de autobús nas estradas autonómicas, nunha novidosa liña cun investimento previsto de arredor de 35 M.
Concienciación
Se importantes son os traballos realizados para mellorar a seguridade viaria, non o é menos a concienciación da poboación, e por iso é necesario sumar os esforzos de Administracións públicas e cidadáns para promover hábitos seguros nas estradas. Por iso a Xunta puxo en marcha unha campaña para lembrar aos peóns e aos condutores a fraxilidade dos usuarios vulnerables nas vías, empregando como recurso unhas figuras con estética de Sargadelos coas que se mostra aos cidadáns que os peóns ou ciclistas son usuarios fráxiles nas estradas.
Esta campaña da unha serie de recomendacións, lembrando aos aos peóns a importancia de facerse ver con prendas reflectoras; de camiñar pola esquerda da estrada sempre que non exista senda ou beirarrúa; ou de escoller o lugar máis seguro para cruzar.
Outras campañas de concienciación están máis orientadas a condutores e ciclistas (como as destinadas a sensibilizar da necesidade de evitar distraccións como o móbil na condución; ou de deixar sempre metro e medio de distancia con respecto aos ciclistas) ou aos nenos (como 'O corazón está do teu lado' que levou hábitos responsables nas estradas por moitos colexios de Galicia).
O FaCeLa Fest reúne este ano a 18 bandas, encabezadas polos ingleses Temples, os galegos Triángulo de Amor Bizarro, os asturianos Australian Blonde e as madrileñas Shego. Completan o cartel o novo proxecto lucense The Foolans, Bernal, Axolotes Mexicanos, Los Palms, Pacífica, Ripship, Error 97, Sigilu, Filophóbicas, Toldos Verdes, Las Yhadys, Aeronave Adolescente, Fotocopia e Sapo Bufo. O escenario principal trasládase nesta edición á Sala Tebras pero haberá tamén concertos noutros espazos da cidade, como o Bar Facela, no barrio da Tinería.
Galicia aposta por ampliar as melloras no ensino tamén ás etapas de ESO, Bacharelato e Formación Profesional con novas propostas en materia de ratios, atención á diversidade e horario docente, dentro da vía de diálogo aberta entre Xunta e sindicatos. As propostas, que se elevarán aos órganos pertinentes coa previsión de comezar a aplicalas desde o novo curso que arranca en setembro, abordan melloras nas ratios de estudantes por aula na ESO e no Bacharelato, na atención que se presta ao alumnado que máis o precisa e na configuración do horario do profesorado e das súas funcións.
