lunes, 26 de octubre de 2026
Apelou a colaboración do conxunto da sociedade -cidadáns, empresas e administracións- para avanzar cara un futuro máis sostible e asegurou que é posible conseguilo sen renunciar á prosperidade económica.
Como exemplo, o titular da Xunta resaltou a nova Lei de ordenación e xestión integrada do litoral que ten como principal obxectivo garantir o pleno equilibro entre a conservación da costa e as actividades socioeconómicas presentes en territorio marítimo. Ademais, a normativa ofrece garantías xurídicas ás 4.000 edificacións -empresas, vivendas, centros de saúde ou centros educativos- presentes na costa galega e que poñía en risco a actual lexislación estatal. A este respecto, o presidente resaltou a sustentabilidade como responsabilidade de todos os departamentos autonómicos galegos.
Galicia, á vangarda na loita contra o cambio climático
Na súa participación neste foro sobre sustentabilidade, Rueda resaltou o traballo realizado desde hai anos a prol dunha comunidade máis verde e sostible que sitúan a Galicia á vangarda na loita contra o cambio climático.
Nesta liña, resaltou que Galicia vai contar coa súa primeira Lei do clima para reforzar todas as medidas adoptadas ata agora. O obxectivo é blindar por lei a loita contra o cambio climático para fixar que todas as medidas que adopte a Administración autonómica teñan en conta a súa pegada no medio ambiente para optar pola vía máis sostible así como darlle rango legal a un dos compromisos da Xunta: acadar a neutralidade climática en Galicia. Rueda asegurou que esta Lei vai poñer negro sobre branco e advertiu que non hai escusa para non cumprir.
Hai que lembrar que o anteproxecto de Lei do clima abriuse a información pública este verán e na actualidade estanse analizando todas as suxestións e alegacións presentadas para enriquecer o documento.
A futura normativa enmárcase na folla de ruta que sigue o Goberno autonómico desde hai anos a prol de protexer o medio ambiente e avanzar cara unha Galicia máis sostible coma Alianza Galega polo Clima á que xa pertencen 77 organismos -entre empresas, universidades ou entidades-, o Pacto das Alcaldías polo Clima e a Enerxía -ao que xa están adheridos o 91% dos concellos galegos (285)-, a nova Estratexia de Economía Circular do Sergas, o fomento da mobilidade sostible- con sendas peonís e descontos no transporte público- ou o apoio ao tecido empresarial durante a dobre transición dixital e enerxética pola que atravesa.
Rueda incidiu na importancia de marcar uns obxectivos con sentidiño, en referencia a planificar cara ao futuro e intentar rectificar erros nesta materia. O presidente falou dos avances de Galicia coas enerxías renovables, situando a comunidade galega como exemplo de referente cara a un futuro verde. Neste sendo, salientou o dato de que o 70% de enerxía que se consume en Galicia xa procede de enerxías renovables e queremos seguir.
Para concluír, o titular da Xunta sinalou os avances en infraestruturas e mobilidade e recalcou que se fará todo o posible por que o servizo por ferrocarril sexa unha estrutura de futuro. No ámbito turístico, resaltou a aposta de Galicia polo respecto ao medio e a conservación e protección das zonas aínda non masificadas. Finalmente, ante todos estes retos, amosouse esperanzado de que se está ante un proceso lento, pero imparable.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
