miércoles, 4 de noviembre de 2026
Vicepresidencia da Igualdade e o Benestar da Xunta de Galicia, será quen, a través da Dirección Xeral de Xuventude e Solidariedade que dirixe Rubén Cela, finanzará o
equipamento equipo de son- para os locais de ensaio dos mozos e mozas músicos de Oleiros, segundo ven de confirmar Antón Tenreiro, concelleiro de Xuventude oleirense, á saída do encontro mantido con este responsable autonómico.
Tenreiro comprometeuse con Rubén Cela a entregar na vindeira semana, o plan de finanzamento que se require para dotar un local de Oleiros, que de entrada buscarase un provisional ata atopar o definitivo, do equipamento preciso para que os xoves oleirenses que contan con Grupo musical, poidan realizar os seus ensaios atendendo a un calendario segundo as solicitudes que se planeen, dende este mesmo ano. Esta é a previsión por parte do concello, respostando así a unha das demandas que a mocidade de Oleiros presenta e que é estimulada ademais dende o propio concello, toda vez que conta con Escola Municipal de Música, o que implica a formación dos alumnos que por iniciativa propia, van conformando grupos de música de diversos estilos. O concello quere así continuar apoiando esta actividade e dedicación dos mozos e mozas de Oleiros, no camiño da dinamización sociocultural que marca a política social neste concello.
Antón Tenreiro amosouse plenamente satisfeito da actitude e disposición da dirección xeral, que sen dúbida, reverterá nun maior beneficio para os xoves de Oleiros, e consecuentemente, para toda a mocidade do concello, que verá así cómo as súas necesidades sociais van sendo respostadas grazas á colaboración da actual Xunta de Galicia e a súa sincronía coas necesidades da sociedade galega.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
