lunes, 14 de septiembre de 2026
Xunto a eles, pasarán en agosto polo Gaiás bandas galegas emerxentes, como Lontreira ou Moura, así como as formacións gañadoras do certame Xuventude Crea: Faíscas e Xalum. A edición complétase co rock dos madrileños Parquesvr e coas melodías da mallorquina Júlia Colom.
Música urbana e pop electrónico
A actuación do canario Bejo (10 de agosto) preséntase como un dos concertos máis agardados. Con colaboracións con artistas internacionais tan coñecidos como Eminem e Nas e nacionais, como Blasfem, Macaco ou Ana Mena, a súa estética desbaratada e a súas rimas barrocas fan de Bejo un dos nomes máis populares da música urbana en España.
Cómpre destacar as dúas actuacións que pecharán o festival na última semana de agosto. Por unha banda, o francés Ben lOncle Soul (30 de agosto), que se ten consolidado como unha das grandes voces internacionais coa súa mestura de R&B vangardista coas raíces do soul espiritual. Ao Gaiás achegarase para defender os temas de Is it you?, o seu novo álbum.
Natalia Lacunza (31 de agosto), que medrou da man de Operación Triunfo, sobrepasou as expectativas do concurso de talentos para consolidarse como unha proposta de sofisticado pop electrónico enriquecido ao longo dos anos coa colaboración dalgúns nomes interesantes da escena independente española.
Con este programa, a Consellería de Cultura, Educación, FP e Universidades segue a medrar un festival que vive xa a súa decimo terceira edición e que arrincou no mes de xullo con concertos de artistas como Juancho Marqués, Dulzaro ou Biznaga.
Programa con ritmos diferentes
Atardecer no Gaiás segue a presentarse como unha cita coa ollada posta en bandas galegas que están a despuntar, pero coa vocación de achegar a Galicia propostas atractivas do resto de España e da escena internacional, configurando un programa cunha identidade propia onde atopan cabida ritmos diferentes. Ofrece concertos conectados coa experiencia de mesturar a música co fermoso solpor sobre Santiago desde o monte Gaiás.
Todos os concertos teñen lugar os xoves e venres ás 21,00 horas na Praza Central da Cidade da Cultura, cun espazo alternativo a cuberto no caso de que a choiva non permita que se celebre no exterior. As actuacións, que contan con Cervezas Alhambra como patrocinador principal, son sempre de balde e con acceso libre.
A novena edición do WOS Festival x SON Estrella Galicia reunirá 26 proxectos de música electrónica e experimental contemporánea, con propostas que transitan pola composición electroacústica, a música de club, a improvisación, a performance audiovisual e diferentes formatos híbridos. A programación destaca ademais pola súa dimensión internacional e polo carácter inédito de boa parte das propostas. Así, 13 dos 26 proxectos da programación principal chegarán a Santiago sendo estreas en España. Entre eles figura a presentación mundial do novo concerto audiovisual de Blood of Aza.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
