jueves, 25 de diciembre de 2025
Precisamente no marco dese convenio de colaboración, a conselleira de Medio Ambiente, Territorio e Vivenda, Ángeles Vázquez, e o xerente de Ecoembes para a zona norte, Fernando Blázquez, mantiveron esta semana unha reunión de traballo para falar das campañas de sensibilización que teñen en marcha na Comunidade e analizar os resultados de reciclaxe do ano pasado.
Tendo en conta só os datos que dependen de Ecoembes, o ano pasado remitíronse a instalacións recicladoras para darlles unha nova vida 73.744 toneladas de envases lixeiros e de papel-cartón en toda Galicia, 4.451 toneladas máis que en 2021.
Estas cifras proceden maioritariamente dos residuos que se depositan nos contedores de cor amarela (destinados a recipientes de plástico, metal e briks) e nos azuis (papel-cartón) e en menor medida, daqueles que se recuperan nas plantas de tratamento da fracción resto.
Neste sentido, Ángeles Vázquez amosouse satisfeita polos resultados que lle trasladou o xerente da entidade e subliñou o esforzo que se está a facer para que a conciencia ambiental da cidadanía galega á hora de separar en orixe os seus residuos domésticos sexa cada vez maior, ao tempo que incidiu na importancia de seguir fomentando a cultura de reciclaxe para avanzar cara á economía circular.
Pola súa banda, Fernando Blázquez lembrou que este ano se cumpre o 25 aniversario da lei que impulsou a reciclaxe de envases en España, recalcando os grandes avances que se deron neste tempo e, en concreto, o caso de Galicia, onde o primeiro ano de recollida selectiva apenas se recuperaron 21.025 toneladas deste tipo de residuos.
Para facilitar a separación en orixe dos envases lixeiros e de papel-cartón, os galegos dispoñen de 38.744 contedores amarelos e de 15.599 azuis repartidos por toda Galicia, ademais de contar con 2.200 puntos de reciclaxe (papeleiras de cores) instalados en lugares de gran afluencia, como poden ser instalacións deportivas, aeroportos, oficinas, bares ou restaurantes.
En todo caso, esta rede de recollida segue reforzándose de forma continua e, en concreto, o ano pasado instaláronse case 1.500 novos contedores amarelos e azuis de forma que a día de hoxe Galicia conta con un destes dispositivos por cada 50 habitantes.
O Son do Camiño
Por último e co obxectivo de fomentar a cultura da reciclaxe e seguir mellorando a separación en orixe deste tipo de residuos, a Xunta e Ecoembes levan anos traballando xuntos na promoción de campañas e iniciativas para seguir mellorando a separación en orixe deste tipo de residuos e facilitar a recuperación de envases en eventos e acontecemento que congreguen unha grande afluencia de persoas.
De feito, Ecoembes colabora este ano cos organizadores do festival de música O Son do Camiño que comeza mañá e remata o vindeiro sábado na contenerización do recinto co fin de facilitar e garantir que o público asistente teña á súa disposición papeleiras e contedores amarelos e azuis para depositar os envases que consuman durante o evento.
A conselleira do Medio Rural, acompañada polo director xeral da PAC e do Control da Cadea Alimentaria, Juan José Cerviño, presidiu este mediodía a constitución do Observatorio do sector lácteo de Galicia, órgano colexiado de seguimento, asesoramento, consulta e análise deste eido produtivo. Esta reunión ten lugar trala entrada en vigor do decreto que actualizou a regulación deste órgano e que, entre outros obxectivos, persegue facer un seguimento continuado do sector e mellorar o seu funcionamento. O Observatorio vén funcionando dende a súa creación no ano 2007
En concreto, o programa do Calendario do Libro e da Lectura inaugurará as súas 35 efemérides para o longo de todo o ano o 11 de xaneiro, co Día do usuario/a da Biblioteca e terá como unha das súas datas significativas desde mes, o Día da Ilustración, que se celebra o 30 e está dedicado ao humorista gráfico Siro López. Complétanse as datas significativas coa celebración, o 1 de abril, do Día das artes galegas, que se centra neste 2026 nun dos nosos fotógrafos máis vangardistas e internacionais, o ourensán José Suárez. En todo caso, este festexo estenderase todo o ano cunha ampla oferta de accións, do mesmo xeito que sucederá co Día das letras galegas (17 de maio) que nas bibliotecas xirará ao redor da escritora Begoña Caamaño.
