lunes, 20 de abril de 2026
O cuarteto Bélle Epoque leva unha andadura musical de máis de dez anos. Está integrado por músicos coruñeses (de nacemento ou de adopción), docentes nos conservatorios da cidade, cunha dilatada traxectoria pedagóxica e artística, sendo fundadores de agrupacións como a Orquestra Gaos ou a Orquestra de Cámara Galega. A formación ten unha especial atención á música dos nosos días e do noso entorno con estreas de obras de Francisco Lara e Juan Pérez Bernat.
Ata o 25 de xuño
A Xunta afronta así este último mes da exposición aberta ao público cunha completa actividade paralela, que ademais deste concerto, inclúe distintas propostas familiares, talleres xuvenís ou visitas guiadas. A vindeira semana porase tamén fin ao ciclo de conferencias enfocado na Coruña e os primeiros trazos de Picasso co relatorio de Malén Gual, unha das comisarias da exposición.
Co título Lola, a gardiá do tesouro, Gual falará o vindeiro mércores a partir das 20,00 horas, do papel fundamental da irmá do artista, como modelo feminino nos seus anos xuvenís como figura importantísima entre os anos 1894 e 1901. Lola, tras a morte da súa nai en 1930, herdou un papel co que transmitu aos seus fillos, os irmáns Vilató Ruiz, a responsabilidade de conservar as obras do artista ata a súa doazón ao Museu Picasso de Barcelona.
Toda a programación está dispoñible na web do museo e para inscribirse é preciso enviar un correo electrónico a actividades.museobelasartes.coruna@xunta.gal.
A mostra Picasso no branco azul estácomisariada, ademais de por Malén Gual, por Antón Castro e Rubén Ventureira coa coordinación da directora do museo, Ángeles Penas e seu o equipo. Trátase da única mostra da nosa Comunidade no marco da programación oficial da Celebración Picasso 1973-2023 impulsado polo Musée National Picasso-París e a Comisión Nacional para a Conmemoración do 50º aniversario da morte de Pablo Picasso, con Telefónica como empresa colaboradora do programa en España.
Conmemoracións oficiais
O 8 de abril de 2023 cumpriuse o 50 aniversario do pasamento do artista español Pablo Picasso, evento que marcará a celebración da súa obra e a súa herdanza artística en Francia, España e internacionalmente. Os gobernos de Francia e España acordaron traballar conxuntamente nun programa internacional a través dunha comisión binacional que reúne ás administracións culturais e diplomáticas dos dous países.
A Celebración Picasso 1973-2023 xira en torno a unhas 50 exposicións e eventos que se celebrarán en institucións culturais de renome en Europa e América do Norte que, xuntas, abordan unha análise historiográfica da súa obra. A celebración, acompañada de celebracións oficiais en Francia e España, permitirá facer un balance das investigacións e interpretacións sobre a obra de Picasso, especialmente durante a importante simposio internacional en outono de 2023 que, ademais, coincide coa apertura do Centre dEtudes Picasso de París.
O Musée National Picasso-París e a Comisión Nacional española para a conmemoración do 50 aniversario da morte de Pablo Picasso comprácense en apoiar este programa excepcional.
En 2025, Lara Weed e Jamie M. Zeitzer, da Universidade de Stanford, publicaron un artigo no que se relacionaba a práctica do cambio estacional de hora con aspectos negativos para a saúse, tanto de sintomatoloxía aguda (infartos ou accidentes cerebrovasculares), como crónica (obesidade). Agora, os profesores José María Martín Olalla, da Universidade de Sevilla, e Jorge Mira Pérez, da Universidade de Santiago de Compostela, tras analizar a metodoloxía aplicada neste estudo, constataron que 'o que o mundo leu como unha evidencia científica contra o cambio de hora resultou ser unha ilusión matemática'.
Un total de 15.733 persoas concorrerán ás oposicións de Educación deste ano 2026 segundo a listaxe provisional de admitidos publicado no Portal Educativo. Cómpre lembrar que, froito do acordo entre a Consellería de Educación, Ciencia, Universidades e FP e os sindicatos CC.OO., ANPE, UGT-SP Ensino e CSIF, como novidade nesta ocasión os interinos non teñen a obriga de presentarse ao exame, co obxectivo de axilizar o proceso. Isto provoca un descenso de case o 23% nas probas respecto á convocatoria do ano pasado. En concreto, 4.689 aspirantes menos. A Xunta de Galicia convoca para este proceso un total de 1.601 prazas, o que supón esgotar o 120% da taxa de reposición marcado polo Estado.
