lunes, 20 de abril de 2026
O director xeral de Cultura, Anxo M. Lorenzo, participou hoxe na presentación na Casa de Galicia en Madrid da décima edición do Festival Bal y Gay que levará este verán un total de 13 concertos a distintos espazos emblemáticos da Mariña lucense co apoio da Xunta de Galicia. No acto tamén participaron, entre outros, a directora do festival, Alba Rodríguez; o presidente da Fundación Xesús Bal y Gay, Enrique Rodríguez, e a directora da Fundación Banco Sabadell, Sonia Mulero.
O representante da Consellería de Cultura, Educación, FP e Universidades fixo mención á aposta do Goberno autonómico por esta cita musical que se aliña cos obxectivos do Plan Xeración Cultura, a folla de ruta do Goberno galego que aposta por fomentar o acceso e diversificación da programación cultural.
Anxo M. Lorenzo felicitou á organización polos seus 10 anos de vida, nos que levou por distintas localizacións da Mariña lucense con propostas de gran calidade que o ten convertido nun referente da música clásica do norte de España e por combinar de xeito moi acertado cultura e patrimonio en espazos tan emblemáticos como a Catedral de Mondoñedo ou a igrexa de Lourenzá.
Entradas dispoñibles
A décima edición do Festival Bal y Gay será do 10 ao 24 de agosto. Pasará por Viveiro, Alfoz, Foz, Ribadeo, Cervo, Mondoñedo, Lourenzá ou Barreiros e os concertos celebrarase en lugares como a fábrica de Sargadelos, a Catedral de Mondoñedo, Basílica de San Martiño de Foz, a Fortaleza Alfoz, a igrexa de Lourenzá, entre outros.
A Real Filharmonía de Galicia será a encargada de inaugurar a edición o 10 de agosto no Teatro Pastor Díaz de Viveiro cunha gala lírica dirixida por Maximino Zumalave. Os seguintes concertos correrán a cargo, entre outros, do cuarteto de saxofóns Kebyart, a soprano Rocío Pérez, a violonchelista Sara Ferrández, a pianista portuguesa, María Joao Pires, así como a Orquestra Sinfónica de Galicia. Tamén haberá concertos familiares, conferencias e obradoiros. Toda a información e a venta de entradas está dispoñible na web festivalbalygay.com.
En 2025, Lara Weed e Jamie M. Zeitzer, da Universidade de Stanford, publicaron un artigo no que se relacionaba a práctica do cambio estacional de hora con aspectos negativos para a saúse, tanto de sintomatoloxía aguda (infartos ou accidentes cerebrovasculares), como crónica (obesidade). Agora, os profesores José María Martín Olalla, da Universidade de Sevilla, e Jorge Mira Pérez, da Universidade de Santiago de Compostela, tras analizar a metodoloxía aplicada neste estudo, constataron que 'o que o mundo leu como unha evidencia científica contra o cambio de hora resultou ser unha ilusión matemática'.
Un total de 15.733 persoas concorrerán ás oposicións de Educación deste ano 2026 segundo a listaxe provisional de admitidos publicado no Portal Educativo. Cómpre lembrar que, froito do acordo entre a Consellería de Educación, Ciencia, Universidades e FP e os sindicatos CC.OO., ANPE, UGT-SP Ensino e CSIF, como novidade nesta ocasión os interinos non teñen a obriga de presentarse ao exame, co obxectivo de axilizar o proceso. Isto provoca un descenso de case o 23% nas probas respecto á convocatoria do ano pasado. En concreto, 4.689 aspirantes menos. A Xunta de Galicia convoca para este proceso un total de 1.601 prazas, o que supón esgotar o 120% da taxa de reposición marcado polo Estado.
