viernes, 30 de octubre de 2026
Coordinada por Francisco Aguiar e Evelia Murcia, a iniciativa quere establecer alianzas e estratexias desde o traballo social para o desenvolvemento de comunidades sostibles e resiliente, ser un foro de debate “sobre a necesidade dunha transición xusta” e analizar os conflitos socioambientais e os impactos xerados nas comunidades “polos proxectos extractivistas e de explotación industrial dos bens naturais”.
De Altri ás eólicas
A programación desenvolverase os dous dÃas na sala Emilia Pardo Bazán, no soto do Edificio de Ferro, a partir das 16.00 h, contando co apoio do Colexio Oficial de Traballo Social de Galicia. O primeiro dÃa, o 6 de maio, comezará cunha conferencia de Emiliana Vicente, presidenta do Consejo General del Trabajo Social, sobre a responsabilidade do traballo social fronte aos desafÃos ecolóxicos e a xustiza ecosocial. Seguiranlle intervencións sobre a avaliación do impacto social dos proxectos industriais, a cargo de Fernando Relinque, director da Cátedra Trabajo Social Verde da Universidad Pablo de Olavide (Sevilla), e sobre o impacto ambiental da macrocelulosa de Altri, con SerafÃn González, investigador do CSIC e presidente da Sociedade Galega de Historia Natural.
Esta primeira sesión tamén contará coa conferencia Matria. PoesÃa para a terra, de Adela Figueroa, bióloga e escritora, fundadora de Adega, e o faladoiro Non somos terra de sacrificio: comunidades en loita pola defensa do territorio e da vida. Neste último participarán membros de Plataforma Ulloa Viva; Plataforma Veciñal Mina de Touro-O Pino Non; Plataforma SOS SuÃdo-Seixo e Stop Eólicos Limia-Xurés-Celanova. Pechará a programación un diálogo aberto con plataformas veciñais arredor da pregunta de cal debe ser o papel do traballo social na defensa do territorio e no desenvolvemento sostible das comunidades, moderado por Miriam Sierra, presidenta do Colexio Oficial de Traballo Social de Galicia.
Falando desde a experiencia
O mércores 7 a actividade arrancará cun panel de experiencias grupais e comunitarias de traballo social ecosocial no que se falará do Grupo para a abordaxe integral da saúde sexual desde o ecofeminismo; do traballo social comunitario no Val do Jerte (Estremadura) sobre redes para envellecer na comunidade; da natureza no programa grupal de mulleres con cancro Vitalia, e dos grupos con perspectiva ecosocial en colectivos vulnerables. Tamén haberá espazo para falar do traballo dos grupos de profesionais, concretamente do International Social Work Group in Ecological Justice; do Grupo Promotor de Trabajo Social Ecosocial de España; do Grupo de Trabajo Ecosocial de la Asociación Universitaria de Trabajo Social e do Grup de Treball Social Ecosocial do Col·legi Oficial de Treball Social de València. A programación inclúe a presentación da guÃa Unha receita para a diversidade cultural. Educar para a sostibilidade e a soberanÃa alimentaria a través da antropoloxÃa da alimentación, a cargo de Beatriz Comendador, do grupo de innovación docente en EduAcción Patrimonial da Universidade de Vigo, e o Obradoiro vivencial. Explorando o traballo social ecosocial a través da arte, a cargo de Andrea Alfaya.
Como “actividade en conexión” con esta xornada está a proxección, o dÃa 8 de maio, ás 20.00 h., no Cineclube Padre Feijoo, do documental A loita final, dirixido por Enrique Banet e producido por Mabel Rivera, e no que se abordan os posibles efectos da implantación da macrocelulosa de Altri. Esta actividade está organizada polo Cineclube Padre Feijoo e a Plataforma Ulloa Viva-Grupo Ourense.
O XXXVI Festival de Jazz de Lugo ofrecerá do 4 ao 14 de novembro un total de 22 actuacións que combinarán grandes figuras internacionais cunha ampla presenza de músicos galegos en catro escenarios. Conforme ao programa, o Auditorio Fuxan os Ventos acollerá a apertura o mércores 4 co trÃo do saxofonista e clarinetista cubano Paquito DÂ’Rivera. Neste mesmo escenario actuarán Abe Rábade, o dÃa 8, e Kenny Barron Trio, o 11. No CÃrculo das Artes sucederanse James Carter Organ Trio, o 5 de novembro; Jogo de Damas, o dÃa 6; Takuya Kuroda Quintet, o 7; Patricia Brennan Septet, o dÃa 12; Erik Truffaz & Antonio Lizana, o dÃa 13, e Clarence Bekker Band, o 14 de novembro.
O informe da Dirección Xeral de Saúde Pública da ConsellerÃa de Sanidade sobre a actividade das infeccións respiratorias agudas referido á semana que rematou o 25 de outubro reflicte que a actividade gripal na comunidade mantén o seu nivel basal con tendencia crecente, constatando un incremento na dispensación de antigripais nas farmacias galegas. En concreto, a taxa de dispensación de antigripais nas farmacias aumentou un 38,9 % na última semana, mentres que a de probas de antÃxenos se reduciu nun 17,9 %, tal e como informan as oficinas de farmacia integradas na rede sentinela impulsada pola Xunta, co obxectivo de anticipar a evolución dos virus respiratorios na comunidade.
