lunes, 2 de noviembre de 2026
Desde hoxe ás 12:00 horas e ata o 19 de xullo ás 14:00 horas, emprendedores e emprendedoras, startups e empresas cunha idea innovadora centrada no sector aeroespacial e nos vehículos non tripulados poden presentar a súa candidatura a través da web www.bfaero.eu, onde tamén se poden consultar as bases da convocatoria.
A quinta edición da BFAero, na que se apoirán 11 proxectos, está dirixida a propostas de emprendemento no sector aeroespacial que se beneficiarán dun completo programa de apoio que contempla a mentoría por empresas e profesionais do sector, destacando a implicación das empresas Airbus, Avincis e Telespazio, formación especializada, acceso a infraestruturas, incorporación ao ecosistema do Polo Aeroespacial de Galicia, do que forman parte máis de 80 axentes; espazo para que as empresas desenvolvan a súa actividade, apoio económico e acceso a investidores.
Os emprendedores contan con tres itinerarios aos que presentar a súa candidatura en función da súa maduración da idea e da empresa. Deste modo, o itinerario de incubación, no que se seleccionarán tres proxectos, ten unha duración de 12 meses e está dirixido a empresas sen constituír o de recente creación (ata cinco anos); o de aceleración, con 8 meses de duración e no que se escollerán cinco propostas, en pemes do sector aeroespacial e dos sistemas non tripulados que xa estean no mercado, cun modelo validado e que precisen crecer; e, finalmente, o itinerario de consolidación, que se estenderá durante 6 meses e que acollerá a tres proxectos, está enfocado a empresas cunha antigüidade máxima de 7 anos, con produtos e servizos no mercado e un alto potencial de crecemento, co obxectivo de que capten financiamento e avancen na súa internacionalización.
Os proxectos seleccionados na BFAero disporán do apoio económico da Xunta de Galicia. En concreto, no programa de incubación accederán a axudas por parte da Axencia Galega de Innovación de 40.000. No caso dos proxectos de aceleración, poderán acceder a apoios de ata 60.000 da Axencia Galega de Innovación e a préstamos participativos ou capital risco de ata 50.000 de XesGalicia e, nos de consolidación, 30.000 de axudas e ata 250.000 de financiamento de XesGalicia. Ademais, todos os proxectos poderán facer uso das infraestruturas e servizos singulares do ecosistema de Galicia a través dun bono por valor de 10.000.
A BFAero, en colaboración coa Fundación CEL Iniciativas por Lugo, forma parte do mapa de aceleradoras de carácter innovador activado pola Xunta de Galicia nos últimos anos que inclúe as business factories de alimentación (BFFood), automoción (BFAuto) e saúde (BFMedicines), entre outras.
O Plan constitúe o primeiro documento estratéxico específico de Galicia dedicado á planificación, organización e desenvolvemento dos coidados paliativos pediátricos e nace coa finalidade de dar resposta ás necesidades propias desta poboación, garantindo unha atención adaptada ás características evolutivas da infancia e da adolescencia. O documento aprobado hoxe conta co aval científico da Sociedade de Pediatría de Galicia e da Sociedade Española de Coidados Paliativos Pediátricos e está dirixido á poboación pediátrica con enfermidades crónicas complexas e situacións susceptibles de atención paliativa. Articúlase arredor de catro liñas estratéxicas orientadas a fortalecer a organización asistencial e a dar resposta ás necesidades clínicas, emocionais e sociais dos pacientes pediátricos e das súas familias.
Galicia ocupa un lugar destacado nos Premios Nacionais de Investigación 2026, con cinco científicos galardoados. Tivo lugar o acto de entrega destes premios, celebrado no Palacio de Congresos de Europa, en Vitoria-Gasteiz. Os investigadores galegos que recibiron esta distinción son Ángel Carracedo, natural de Santa Comba, catedrático de Medicina na USC e director da Fundación Pública Galega de Medicina Xenómica; a compostelana Carmen Álvarez Lorenzo, catedrática da USC e directora do Instituto de Materiais da USC (iMATUS); e Laura Castro Santos, de Betanzos, catedrática da Escola Politécnica de Enxeñaría de Ferrol, pertencente á UDC.
