martes, 10 de noviembre de 2026
Durante a súa intervención, a directora xeral de Calidade Ambiental, Sostibilidade e Cambio Climático, Sagrario Pérez, reiterou que o obxectivo da Xunta é que Galicia acade a neutralidade climática o antes posible e, de feito, xa asumiu o compromiso europeo de reducir as emisións de gases nun 57 % en 2030.
Nesa liña, Pérez explicou que a Comunidade ten a Estratexia Galega de Cambio Climático e Enerxía 2050 como folla de ruta que sustenta os instrumentos e liñas de actuación do Goberno galego nesta materia e que se basean en catro piares estratéxicos: a mitigación, a adaptación, a investigación e a innovación, e a dimensión social, gobernanza e sensibilización.
A directora xeral tamén puxo en valor tanto o traballo desenvolvido pola Oficina Técnica do Pacto das Alcaldías para o Clima e a Enerxía, que permitiu pasar dos 22 concellos adheridos en 2018 aos 285 actuais, como a iniciativa Alianza galega polo clima, que con 50 entidades adheridas supón un exemplo de colaboración para crear sinerxías entre os sectores público e privado.
A maiores, o Goberno galego está a preparar a que será a primeira Lei do clima de Galicia, unha norma que considerará a cuestión climática como un valor prioritario en todas as políticas que se desenvolvan na Comunidade e que recoñecerá a obriga legal de acadar a neutralidade climática en 2050. Esta proposta lexislativa, que ten como obxectivo aumentar a resiliencia, está previsto que inclúa medidas para mellorar a eficiencia enerxética, protexer o medio ambiente e apoiar ás entidades locais na toma de medidas contra o cambio climático.
Finalmente, no campo da investigación e a innovación, a Xunta deu a coñecer o proxecto SICLE-CO2: solucións innovadoras para compensar as emisións de carbono, que utiliza propostas novidosas para compensar as emanacións de gases de diversas fontes como o transporte ou a industria.
Lugo e Láncara acolleron do 5 ao 7 de novembro as II Xornadas Anuais de Pensamento Galego, dedicadas nesta segunda edición á figura de Ramón Piñeiro. O encontro, organizado por Egeria reuniu especialistas, investigadores e representantes do ámbito cultural e académico arredor do pensamento, a traxectoria vital e o compromiso coa lingua e a cultura galegas dun dos intelectuais máis relevantes do século XX. As xornadas inauguráronse o xoves 5 de novembro na Casa do Concello de Lugo coa participación da alcaldesa, Elena Candia, e a presentación da exposición bibliográfica 'Eu, Ramón Piñeiro' e da web ramonpineiro.gal (desenvolvida por GaliciaDigital).
Foio presentada a quinta edición de Galicia Ilusiona, o Festival Mundial de Ilusionismo de Galicia, que volverá converter a comunidade nun referente internacional da maxia durante os meses de novembro e decembro de 2026. Dirixido por Pedro Bugarín e Dani Polo, o festival, reunirá a seis artistas internacionais multipremiados: Mago Murphy, Toni Frebourg, An Ha Lim, Didak , Bonjin Koo e Diego @ Elena, que ofrecerán o mellor do ilusionismo en diferentes teatros e auditorios galegos, achegando espectáculos a milleiros de espectadores. A programación das galas Internacionais desenvolverase en oito cidades galegas: A Coruña, Cangas, Vigo, Pontevedra, Lugo, Ferrol, Ourense e Santiago de Compostela, entre o 20 de novembro e o 13 de decembro.
