miércoles, 16 de julio de 2025
A Xunta de Galicia pon o colofón no Instituto Cervantes de París a un ano de reivindicación do legado de Laxeiro, un dos pintores galegos máis relevantes do século XX e figura destacada da vangarda pictórica española. Hoxe finaliza na capital francesa o percorrido da exposición itinerante Foi un home. Laxeiro en América (Buenos Aires, 1950-1970), que sumou nesta última estadía internacional, entre o 27 de xaneiro e o 13 de marzo, máis de 1.000 visitantes.
A iniciativa da Xunta de Galicia organizada a través da Fundación Cidade da Cultura e co apoio do Concello de Lalín xurdiu despois de que a Real Academia Galega de Belas Artes decidira dedicarlle a Laxeiro no 2022 o Día das Artes e viuse reforzada coa implicación do Instituto Cervantes de París e da Embaixada de España en Francia, ademais da Real Academia de Bellas Artes de San Fernando en Madrid, unha das institucións culturais máis lonxevas de España da que o propio pintor foi alumno.
A mostra inaugurouse simbolicamente na terra natal de Laxeiro, en Lalín, acadando entre abril e xuño de 2022 máis de 2.000 visitantes. Tras esta estadía, permaneceu entre xuño e xullo na Real Academia de Bellas Artes de San Fernando de Madrid, onde recibiu 1.948 visitas. Entre setembro e decembro pasaron polo Museo Centro Gaiás da Cidade da Cultura para ver a retrospectiva 11.374 persoas.
A escolma de pezas recolleu a evolución de Laxeiro durante os 20 anos nos que se instalou en Buenos Aires, considerada a súa etapa de madurez, na que realizou algunhas das súas obras máis destacadas achegándose ao expresionismo abstracto. A exposición, comisariada polo historiador da arte e ensaísta, Carlos L. Bernárdez, presentou así un fiel reflexo dunha época na que o artista estivo condicionado polo contacto cun mundo cosmopolita e co ambiente intelectual galego do exilio en América.
Os Concertos do Xacobeo regresan esta fin de semana á Praia da Concha de Vilagarcía de Arousa dándolle cobertura a unha nova edición do Atlantic Fest. Neste 2025, no cartel do Atlantic Fest danse cita, grandes figuras imprescindibles da escena indie-rock e o pop internacional, estatal e galega, como Primal Scream, The Jesus and Mary Chain, Slowdive, Zahara, Xoel López, Los Planetas e León Benavente, entre moitos outros, que actuarán no escenario principal do festival. As actividades gastronómicas celebraranse durante o venres 18 e sábado 19 de xullo, con degustacións e showcookings dirixidos por profesionais recoñecidos. O venres, ás 19:30 horas, a experta Salomé Beiroa será a encargada dunha cata de queixos galegos, e a partir das 22:00 horas terá lugar un showcooking a cargo do chef Iñaki Bretal, do restaurante Eirado da Leña (Pontevedra).
No que vai de ano vense rexistrando un crecemento responsable e equilibrado do turismo en Galicia, marcado por un carácter desestacionalizador do destino con incrementos de viaxeiros en xaneiro (+4%), febreiro (+3%) e maio (+4%). A isto súmase o efecto Semana Santa en marzo e abril, cun incremento neste último mes do 20%. Estas cifras xunto co feito de que o peso do verán en 2024 foi do 29% en número de viaxeiros e do 35% en noites constata que a desestacionalización do destino estase conseguindo, garantido así unha rendibilidade durante todo o ano.
