miércoles, 29 de abril de 2026
Na compaña do delegado territorial da Xunta na Coruña, Gonzalo Trenor López; o director do Instituto de saúde Carlos III, Cristobal Belda-Iniesta; a directora científica do INIBIC, Mar Castellanos Rodrigo, e o director do CIBER-BBN, Ramón Martínez Mánez; o titular de Sanidade salientou o grande impacto que posúen os estudos científicos que está a desenvolver o CIBER-BBN, poñendo en valor a súa alta capacidade innovadora, e a súa capacidade para xerar instrumentos e métodos que teñen por obxecto mellorar a saúde dos pacientes.
Ademais, destacou a firme aposta do Executivo galego polo ámbito da investigación, apuntando que, os orzamentos autonómicos do ano 2023, rexistrarán un incremento, do 9,4% neste eido, ata acadar os 5,7 millóns de euros. Nesta liña, lembrou que a Xunta de Galicia xa está a traballar na integración no Sector público das tres fundacións de investigación sanitaria coas que conta a comunidade galega.
García Comesaña pechou a súa intervención agradecendo que Galicia fose escollida como punto de encontro para levar a cabo unhas xornadas de intercambio de información e ideas que, de seguro, reverterán dun xeito positivo en beneficio de toda a poboación.
Foron presentadas as xornadas Galicia Biodays, que buscan posicionar Galicia como un territorio de referencia en innovación biotecnolóxica no ámbito internacional. Este evento vaise celebrar os días 6 e 7 de maio no Auditorio Mar de Vigo, e permitirá reforzar a marca Galicia Calidade en biotecnoloxía, fomentar o intercambio de coñecemento e establecer novas colaboracións científicas, empresariais e institucionais. Está previsto que asistan máis de 1000 persoas de 9 biorrexións convidadas, con máis de 130 relatores.
Alfonso Rueda informou de que o Consello deu conta do inicio da tramitación do anteproxecto da que será 'a primeira Lei do terceiro sector da acción social de Galicia'. Unha norma que busca 'unificar nun único texto legal a regulación deste eido e recoñecer de xeito formal o seu traballo e o papel que xogan as entidades na sociedade galega'. A necesidade de aprobar esta lei xustifícase na importante presenza destas entidades en Galicia, preto de 1.500, -que constitúen 'unha auténtica rede de solidariedade', segundo resaltou a conselleira de Política Social e Igualdade, Fabiola García-, para apoiar as persoas e fogares máis vulnerables.
