miércoles, 29 de abril de 2026
Galicia viviu o outubro máis chuvioso dos últimos 9 anos e a Xunta avanza que as perspectivas meteorolóxicas de cara a combater a situación de seca son boas, segundo avanzou a conselleira de Medio Ambiente, Territorio e Vivenda, Ángeles Vázquez, durante unha visita realizada hoxe ás instalacións de Meteogalicia, na que estivo acompañada polo coordinador do organismo, Juan Taboada.
Nesa liña, logo de explicar que a precipitación media acumulada en outubro foi de 226 l/m3 (un 37% superior ao valor climático normal), Ángeles Vázquez incidiu en que, desde o punto de vista climatolóxico, novembro é o segundo mes máis chuvioso do ano, soamente superado por decembro, polo que, de cumprirse a previsión de normalidade, as chuvias serán bastantes cuantiosas nestas semanas.
No que atinxe ás temperaturas, durante o pasado mes de outubro estiveron 3º C por riba da media climática 1981-2010 (17,5ºC fronte a 14,5ºC). Esta situación débese a que a anomalía positiva da primeira quincena non puido ser revertida na segunda, xa que os episodios de chuvia chegaron con ventos de compoñente sur que mantiveron os termómetros en valores moi suaves.
Cómpre destacar que no que levamos de ano non houbo ningún mes frío e soamente os de marzo, abril e xuño se poden considerar normais. O resto tiveron temperaturas por riba da media, dixo Ángeles Vázquez.
Actividades educativas en Meteogalicia
Durante a súa visita ás instalacións de Meteogalicia, a conselleira coincidiu cun grupo de alumnos do CEIP Camiño de Santiago do Concello do Pino que participan nunha das actividades formativas que organiza a entidade, que prevé superar os 1.500 participantes ao remate do ano.
Nesa liña, Ángeles Vázquez puxo en valor o traballo excepcional que realiza Meteogalicia tanto para achegar a información meteorolóxica á cidadanía e afianzar a súa función de servizo público como para divulgar os coñecementos necesarios para a comprensión de cuestións relacionadas coa meteoroloxía e o clima. Un esforzo que contribúe á vez a proxectar o seu traballo a nivel nacional e europeo, onde xa está considerada unha das axencias máis importantes e punteiras dentro do seu campo.
Ángeles Vázquez concluíu salientando que os orzamentos da Consellería para 2023 reservan preto de 1 millón de euros para a mellora da rede de observación ambiental, prevención de riscos e análise sectorial de adaptación ao cambio climático. Entre as actuacións a financiar inclúese o mantemento de equipos como as estacións da rede da calidade do aire, pantallas de información meteorolóxica, entre outros.
Foron presentadas as xornadas Galicia Biodays, que buscan posicionar Galicia como un territorio de referencia en innovación biotecnolóxica no ámbito internacional. Este evento vaise celebrar os días 6 e 7 de maio no Auditorio Mar de Vigo, e permitirá reforzar a marca Galicia Calidade en biotecnoloxía, fomentar o intercambio de coñecemento e establecer novas colaboracións científicas, empresariais e institucionais. Está previsto que asistan máis de 1000 persoas de 9 biorrexións convidadas, con máis de 130 relatores.
Alfonso Rueda informou de que o Consello deu conta do inicio da tramitación do anteproxecto da que será 'a primeira Lei do terceiro sector da acción social de Galicia'. Unha norma que busca 'unificar nun único texto legal a regulación deste eido e recoñecer de xeito formal o seu traballo e o papel que xogan as entidades na sociedade galega'. A necesidade de aprobar esta lei xustifícase na importante presenza destas entidades en Galicia, preto de 1.500, -que constitúen 'unha auténtica rede de solidariedade', segundo resaltou a conselleira de Política Social e Igualdade, Fabiola García-, para apoiar as persoas e fogares máis vulnerables.
