viernes, 8 de mayo de 2026
António Augusto Barros, director da colección na que se insire este título, contou co asesoramento de Ánxeles Cuña Bóveda, Dolores Vilavedra e Inma López Silva para esta recompilación a modo de percorrido pola escrita dramática galega desde os anos 70 do pasado século ata a actualidade.
Dez títulos
Para o primeiro dos volumes, seleccionáronse as pezas Un hotel de primeira sobre o río, de Xohana Torres, que subirá por primeira vez á escena profesional en 2023 da man do Centro Drámático Galego; O aniversario. Cerimonia de laios e saloucos, de Euloxio R. Ruibal; Días sen gloria, de Roberto Vidal Bolaño; Cando chega decembro, de Manuel Lourenzo; As certezas de Ofélia, de Luisa Villalta; Lugar, de Raúl Dans, e Footing, de Gustavo Pernas Cora, ademais do ensaio introdutorio Historia dun futuro, por Dolores Vilavedra.
O segundo dos volumes xunta as obras As do peixe, de Cándido Pazó; Judite, de Marcos Abalde Covelo; Voaxa e Carmín, de Esther F. Carrodeguas; Nome: Bonita, de Vanesa Sotelo, e As oito da tarde, cando morren as nais, de AveLina Pérez. Esta última, editada previamente pola Xunta e Xerais como gañadora en 2018 do Premio Álvaro Cunqueiro para textos teatrais, foi levada a escena a pasada primavera polo Centro Dramático Galego con dramaturxia de Marta Pazos.
Dúas funcións de Nuno Cardoso
Tamén esta semana, o Salón Teatro recibirá a Nuno Cardoso, director artístico do Teatro Nacional São João, no Porto, co monólogo Achadiço, que el mesmo escribiu, dirixiu e interpreta. Recoñecido como un dos máis destacados directores teatrais da escena portuguesa actual, Cardoso representará o mércores 26 e o xoves 27, ás 20,00 h., unha montaxe que toma o seu nome dun modismo de Canas de Senhorim, freguesía da que é orixinario. Achadiço refírese ao que non encaixa, substantivo que o creador se aplica a si mesmo e a este espectáculo, construído sobre un espazo-tempo improvisado que tampouco encontra unha clasificación ao uso e que nos introduce nun labirinto de referencias a partir da memoria propia e da compartida.
Xa en decembro, as Quintas do Camões presentarán en Santiago Calígula, una produción da Companhia de Teatro de Braga a partir da obra de Albert Camus con dirección escénica do galego Manuel Guede Oliva. A proposta, que subirá ao escenario do Salón Teatro o 1 de decembro, ás 20,00 h., deixa constancia dos paralelismos deste texto de 1944 coa actualidade.
As entradas para Achadiço están xa á venda na web www.ataquilla.com, onde proximamente poderán adquirise tamén as de Calígula, en ambos casos a un prezo especial de 3 euros para o alumnado das escolas de idiomas e para grupos escolares. Tamén estarán dispoñibles no despacho de billetes do Salón Teatro desde dúas horas antes do comezo das funcións.
A programación desta nova edición volverá combinar espectáculos de sala, funcións de rúa, instalacións, música e propostas participativas arredor do mundo dos monicreques, con compañías galegas como Tanxarina Títeres, Títeres Alakrán, Babaluva, Mircromina, Trécola Producións, Troula Animación ou Bico de Toupa, xunto a formacións chegadas de diferentes puntos do Estado e de países como Francia, Italia, Portugal, Uruguai ou Arxentina. Entre as montaxes destacadas figura A Biblioteca Galáctica contra IA Fantástica, de Tanxarina Títeres, recoñecida nos Premios María Casares 2026, ademais de propostas premiadas como Gloria Bendita, de Arteria Producciones, ou Érase unha vez
dous pés!, da italiana Teatro dei Piedi.
Os bos resultados acadados nos últimos anos en biotecnoloxía sitúan a Galicia nunha posición de referencia neste sector, con moita proxección de futuro. A biotecnoloxía pasou de ser unha aposta estratéxica a converterse nun sector económico e científico con masa crítica, capacidades diferenciais e resultados medibles. Así o amosan os resultados acadados na execución da Estratexia de consolidación do sector en Galicia 21-25. Entre eles, destaca a creación de 30 novas empresas biotecnolóxicas, acadando a cifra de 162 compañías actuais; unha facturación de 2.037 millóns de euros, que cuadriplica a de 2021 e se sitúa no 2,6% do PIB; ou o aumento do emprego cualificado vencellado ao sector, acadando as 5.693 persoas traballadoras, tres veces máis desde 2021.
