miércoles, 4 de noviembre de 2026
A Xunta de Galicia presentou o primeiro Atlas da Paisaxe dos Camiños Xacobeos, que, segundo salientou a conselleira de Medio Ambiente, Territorio e Vivenda, Ángeles Vázquez, supón unha publicación excepcional e de gran valor histórico.
Durante o acto de presentación, no que estivo acompañada pola directora de Turismo de Galicia, Nava Castro, e polo secretario xeral de Política Lingüística, Valentín García, a conselleira resaltou tanto o seu valor cartográfico como a compilación de 83 ortofotos históricas e actuais que permiten comprobar a evolución da paisaxe pola que discorren as diferentes rutas xacobeas ao longo dos últimos 50 anos.
Logo de explicar que tamén inclúe 241 fotografías nun volume de 770 páxinas agrupados en 65 capítulos, Ángeles Vázquez subliñou que todo este material de alta calidade plásmase nun formato único cunha narración a 4 páxinas en tres idiomas que, grazas ao fío condutor do Camiño de Santiago, permite coñecer as diferentes paisaxes galegas tanto naturais como construídas.
Deste xeito, este Atlas, do que están editados 500 exemplares, supón un un gran fito ao tratarse dun traballo detallado que permite facer un percorrido visual polos 1.500 quilómetros de Camiño que temos na Comunidade e dar a coñecer e poñer en valor a riqueza paisaxística galega.
Cómpre lembrar que 2022 está a ser un ano histórico no que atinxe ao número de peregrinos. No que levamos de ano xa se entregaron máis de 348.000 compostelas, cifra acadada en todo o ano 2019 -que xa fora récord- e superando as rexistradas no Xacobeo 2010.
Este Atlas, realizado polo Instituto de Estudos do Territorio, vénse sumar á Colección Paisaxe Galega, unha serie de publicacións á que se destina un investimento de máis de 750.000 euros e que, xunto con este novo formato presentado hoxe, conta tamén un visor interactivo con 52 rutas en bicicleta, e 12 guías monográficas, así como outras 6 en elaboración. O seu obxectivo é protexer as diferentes formas de paisaxe existentes na Comunidade, impulsando a súa conservación e o seu mantemento e ofrecendo criterios para a planificación e deseño das futuras intervencións sobre o territorio poñendo o foco no fermosismo galego.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur. De feito, destacan os altos rexistros acadados entre os días 9 e 15.
A Xunta de Galicia puxo en marcha a campaña de inmunización fronte á gripe e a COVID, que este ano incorpora como principais novidades a extensión da vacina antigripal de alta carga ás persoas de 65 a 69 anos e a ampliación do proxecto piloto de vacinación nos colexios a 75 centros educativos. O inicio oficial tivo lugar nun acto nas residencias de maiores e centros de discapacidade, o colectivo polo que arranca tradicionalmente a campaña debido á vulnerabilidade deste grupo fronte ás infeccións respiratorias.
