miércoles, 29 de abril de 2026
O secretario xeral de Política Lingüística, Valentín García, participou hoxe na entrega da XXVIII edición dos Premios Publicidade en Galego, convocados conxuntamente pola Xunta, o Parlamento de Galicia e o Foro Enrique Peinador, co obxectivo de promover o uso da lingua galega no ámbito publicitario en cumprimento do Plan xeral de normalización lingüística.
O representante da Consellería de Cultura, Educación, Fp e Universidades felicitou aos galardoados pola súa creatividade e orixinalidade técnica e lingüística e por ilustrar e visibilizar un compromiso firme de responsabilidade social coa lingua galega. Neste acto tamén interviñeron Miguel Ángel Santalices e José González, presidente do Foro Enrique Peinador.
Os premios desta edición, que se corresponden con traballos realizados en 2020, foron entregados atendendo a cinco categorías distintas segundo o medio de difusión: radio, televisión, Internet, prensa escrita e un extraordinario para proxectos elaborados polo alumnado de centros educativos.
Os galardoados
Na categoría de radio, o premio foi para a Asociación PuntoGal polo seu proxecto Abre na rede da axencia Quattro IDCP, no que se asocia a lingua galega ás redes sociais e, en televisión, para R Cable e Telecable Telecomunicacións por Vai escampar, tamén da axencia Quattro IDCP.
Na categoría de internet, premiouse o Consello Regulador Denominación de Orixe Ribeiro (C.R.D.O Ribeiro) polo anuncio Treixadura-Modo Ribeiro da axencia Nasas. En prensa escrita Aqualia con A auga en Vigo é de alta calidade da axencia Ecovigo Publicidade, na categoría de centro educativo, o Centro Integrado de Formación Profesional CIFP Leixa por Cambio climático, elaborado por dous alumnos e unha profesora deste centro.
Así mesmo, o xurado outorgoulle por unanimidade unha mención de honra á empresa Sistemas de Seguridade A1, polo seu uso continuado na comunicación e difusión publicitarias. Para cada categoría, agás para a especialidade educativa, configuráronse dúas modalidades de premio, de xeito que polos traballos galardoados recibiron cadanseu premio tanto a empresa anunciante como a axencia de publicidade.
Foron presentadas as xornadas Galicia Biodays, que buscan posicionar Galicia como un territorio de referencia en innovación biotecnolóxica no ámbito internacional. Este evento vaise celebrar os días 6 e 7 de maio no Auditorio Mar de Vigo, e permitirá reforzar a marca Galicia Calidade en biotecnoloxía, fomentar o intercambio de coñecemento e establecer novas colaboracións científicas, empresariais e institucionais. Está previsto que asistan máis de 1000 persoas de 9 biorrexións convidadas, con máis de 130 relatores.
Alfonso Rueda informou de que o Consello deu conta do inicio da tramitación do anteproxecto da que será 'a primeira Lei do terceiro sector da acción social de Galicia'. Unha norma que busca 'unificar nun único texto legal a regulación deste eido e recoñecer de xeito formal o seu traballo e o papel que xogan as entidades na sociedade galega'. A necesidade de aprobar esta lei xustifícase na importante presenza destas entidades en Galicia, preto de 1.500, -que constitúen 'unha auténtica rede de solidariedade', segundo resaltou a conselleira de Política Social e Igualdade, Fabiola García-, para apoiar as persoas e fogares máis vulnerables.
