domingo, 5 de mayo de 2024
No encontro de hoxe, a Mesa do Comité debateu as prioridades e os retos que existen actualmente no traballo de reconstrución, así como os pasos que o CDR pode dar nese ámbito, especialmente coa recentemente creada Alianza Europea de Cidades e Rexións para a reconstrución de Ucraína, posta en marcha o pasado xuño, uns días despois de que Ucraína recibise o status de país candidato á UE.
Coa colaboración das principais redes de cooperación rexional europea, como a Asociación de Rexións Fronteirizas Europeas, e as principais asociacións de entes locais de Ucraína, esta Alianza facilita os contactos entre municipios e rexións de Ucraína e Europa. Na reunión de hoxe debateuse sobre as prioridades e retos que existen no traballo de reconstrución, así como os fondos que poden apoiar os proxectos e a necesidade de cartografar as necesidades sobre o terreo. O traballo desta alianza inscríbese no da Plataforma Internacional de Reconstrución de Ucraína, que se reuniu en Suíza en xullo. O CdR está preparando, ademais, un ditame sobre o papel das cidades e rexións da UE na reconstrución de Ucraína, que se aprobará no pleno de outubro do Comité.
O Comité das Rexións mostrou o seu apoio á medida anunciada pola presidenta da Comisión Europea, Ursula von der Leyen, de destinar 100 millóns de euros para a reconstrución de escolas en Ucraína.
A Mesa do Comité Europeo das Rexións
O Comité Europeo das Rexións é a asemblea consultiva na que están representados os entes locais e rexionais da Unión Europea. En representación de Galicia, o membro titular é o presidente da Xunta, mentres que o cargo de membro suplente recae no director xeral de Relacións Exteriores e coa UE. A Mesa do CDR é un grupo de membros que elaboran o programa político do Comité e supervisan a súa aplicación. Este órgano reúnese antes de cada pleno para coordinar o traballo da Asemblea e as comisións. Galicia participa na Mesa en calidade de suplente do posto que corresponde a España.
Máis de 3.000 alumnos e alumnas, tras ler as obras finalistas, emitiron as súas valoracións para escoller as obras gañadoras das sete categorías. Os títulos seleccionados na categoría Infantil foron Caderno de cores e cancións, de Magín Blanco e Sonia García, como ilustradora, e está editado por Galaxia. Na de primeiro e segundo curso de Educación primaria foi distinguido Violeta parapluie e outras historias de xente pouco corrente de Ramón D. Veiga, publicada por Edicións Embora. Na segunda categoría distinguiuse A pulga espacial de Xabier Domínguez e Alba de Evan.
A Xunta publica a consulta previa para unha nova Lei de servizos dos medios públicos de comunicación audiovisual de Galicia para a sociedade dixital, que se adecúe á normativa europea e á realidade que trouxeron consigo os cambios tecnolóxicos dos últimos anos. As modificacións introducidas pola Directiva comunitaria 2018/1808, polo Regulamento comunitario 2024/1083 e pola recente Lei 13/2022 xeral de comunicación audiovisual, xunto cos avances tecnolóxicos, obrigan a reconsiderar o vixente texto legal.
