martes, 22 de septiembre de 2026
Desde As Penas de Rodas, os participantes desplazáronse ao cemiterio de Outeiro de Rei onde está sepultado Manuel María, para unha nova lectura de poemas no adro da igrexa parroquial. Cumpriuse a continuación co 
lema destas homenaxes -"Leva unha rosa a Outeiro"- e todos os presentes cubriron a tumba de Manuel María coas súas ofrendas.
Por fin, na Campa de Santa Isabel, tan querida polo escritor homenajeado, fíxose a entrega de cadansúa "Navalla do Manuel" aos designados o presente ano.
A título póstumo recibiron a "Navalla" os membros da familia de Francisco Pillado Mayor. Estaban presentes a súa viuva, Manuela Vega, as dúas fillas, o xenro e tres netos. Previa a entrega o escritor Felipe Senén, grande amigo da familia, glosou a persoalidade e traxectoria de Pillado e o seu papel imprescindible no teatro galego.
Seguidamente, a escritora Marica Campo resumiu o papel de Pilar García Negro na política, literatura e sociedade de Galicia, para a continuación entregarlle o galardón consistente na "Navalla do Manuel" en lembranza da querencia que Manuel tiña por estes simbólicos obxectos.
Completaron os actos de lembranza de Manuel María ao cumprirse dezaoito anos do seu pasamento, as actuacións do gaiteiro Raul Galego, a cantante Pilocha e o grupo A Quenlla.
(Nas fotografías, entrega da "Navalla do Manuel" a Pilar García Negro, e o escritor Xoán Xosé Fernández Abella lendo un poema de Manuel María)
O Consello da Xunta analizou na súa reunión de hoxe un informe da Consellería do Medio Rural sobre o anteproxecto de Lei de loita contra os incendios forestais de Galicia (LLCIF), antes da súa remisión para consulta ao Consello Forestal de Galicia, cuxa reunión está prevista para mañá martes. A futura normativa prioriza reforzar a protección da poboación e a xestión integral do territorio. O presidente do Goberno autonómico, Alfonso Rueda, lembrou que actual lexislación sobre incendios forestais 'ten case 20 anos' e 'cómpre actualizarla e adaptala aos novos tipos de lumes así como aos avances que houbo tanto na loita como na prevención de incendios'.
Galicia é a rexión que máis solicitudes presentou en Europa para participar en proxectos interrexionais de I+D+i. Así o indican os datos da Vanguard Initiative, alianza europea da que a nosa Comunidade forma parte, xunto a outras rexións, para estimular o crecemento europeo da I+D+i a través da colaboración entre territorios de distintos países e a especialización intelixente. Precisamente a Xunta vén de publicar a convocatoria VInnovate Galicia, unha liña de axudas para organismos de investigación e empresas que presenten proxectos con outras rexións. Para poder candidatar á convocatoria VInnovate Galicia da Xunta, cuxo prazo de presentación de propostas está aberto desde hoxe ata o 19 de outubro, os posibles participantes teñen que presentarse antes á fase europea.
