sábado, 8 de agosto de 2026
A día de hoxe non temos ningunha concreción, ningunha consignación de fondos e, por iso, a Xunta asumirá desde o 1 de setembro esa bonificación do 50% a cargo de fondos propios. Non podiamos esperar máis, explicou, nunha visita á estación de autobuses intermodal de Santiago.
Igualmente, o presidente da Xunta lamentou que os incentivos do Executivo estatal adoeceran de falta de reflexión, planificación e equilibrio territorial, ao xerar diferencias entre modos de transporte con gratuidade para o tren e descontos moi inferiores para o autobús e entre territorios posto que os cidadáns sen acceso a liñas ferroviarias de media distancia non se poderán beneficiar da axuda.
Ante esta situación, engadiu, a Xunta adiantará o diñeiro eaplicará a máxima bonificación (50%) no transporte público autonómico, estendendo con fondos propios da Xunta a bonificación ao transporte da ría de Vigo e ao tren de proximidade na área de Ferrol, dado que ambos están no Plan de Transporte Metropolitano. Así mesmo, os servizos urbanos de Pontevedra e Ferrol tamén se beneficiarán deste desconto, xa que o seu transporte opera con concesións autonómicas.
Aposta sen precedentes polo transporte público
Ademais de salientar que o desconto contribuirá á competitividade e ao emprego dun sector moi relevante na vertebración do territorio, Rueda subliñou a aposta sen precedentes da Xunta no eido do transporte público. Para a Xunta a mobilidade é algo estratéxico, afirmou, en referencia ao esforzo e aos investimentos destinados á construción de infraestruturas, á renovación integral das liñas de transporte interurbano e ás bonificacións xa implantadas.
Entre estas últimas, o titular do Goberno autonómico fixo fincapé na Tarxeta Xente Nova, coa que xa hai máis de 120.000 mozos galegos viaxando gratis por toda Galicia nos buses da Xunta. En total o Executivo autonómico financia máis do 76% do custo das 3.400 liñas de transporte interurbano que operan na actualidade en Galicia, ás que se destinan 80 millóns de euros ao ano.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
