domingo, 18 de octubre de 2026
A conselleira de Promoción do Emprego e Igualdade, María Jesús Lorenzana, e a directora de Turismo de Galicia, Nava Castro, presentaron hoxe en Pontevedra as principais conclusións do informe Impacto de Xénero no Camiño, elaborado pola Xunta, e a liña de axudas a albergues privados.
O documento, un estudo específico que integra perspectiva de xénero e Camiño de Santiago, pon de manifesto a alta presenza de mulleres nas peregrinacións que se converteu, segundo sinala, nun destino atractivo a partes iguais para homes e mulleres, no que as mulleres foron cobrando máis protagonismo. Así, desde 2013 a 2019 (anos completos analizados, excluíndo 2020 e 2021 pola pandemia), o número de mulleres peregrinas foi aumentando ata ter máis presenza feminina que masculina en 2019 cun 51,16% de mulleres participantes fronte ao 48,84% de homes. O 2018 foi o primeiro no que as rutas oficiais tiveron máis presencia de mulleres que de homes.
Esta tendencia previa á pandemia (2019) continúa este ano, segundo apuntou Lorenzana, destacando que nos seis primeiros meses de 2022 entregáronse 79.000 Compostelas a mulleres e 72.589 a homes (+6.411), o que supón un 52,1% de mulleres sobre o total.
O estudo tamén salienta, en palabras da conselleira, que as mulleres peregrinan menos que os homes cando o Camiño está menos transitado, como en tempadas baixas ou en rutas menos concorridas. É dicir, hai unha masculinización, con porcentaxes de homes superiores ao 60% nos meses invernais. Sen embargo, o estudo reflicte un aumento progresivo das mulleres en peregrinación mes a mes, cunha maior concentración entre os meses de abril a outubro.
Outras das conclusións deste informe indica que o Camiño Portugués foi o que máis mulleres peregrinas acumulou entre 2013 e 2021, cun 53,96% de participación.
A conselleira sinalou que esta análise demostra que as mulleres teñen cada vez máis autonomía e se senten máis seguras para emprender, soas ou acompañadas, esta aventura. Por iso, indicou que o Goberno galego quere que a sociedade se mire no espello do Camiño de Santiago para que a muller teña cada vez máis presenza, en igualdade de condicións e de oportunidades ca os homes. Con este informe queremos engadir un grao de area ao traballo pola igualdade, engadiu.
Segundo Lorenzana, viaxar é unha experiencia poderosa, transformadora, que marca un antes e un despois nas nosas vidas e as mulleres foron descubrindo pouco a pouco que o Camiño de Santiago é iso e moito máis, porque é cohesionador, hospitalario, sostible, creativo, tradicional e contemporáneo, singular, espiritual e multicultural.
Nava Castro, pola súa banda, referiuse ao incremento do número de establecementos de carácter privado que xorden no Camiño de Santiago e fixo un repaso da convocatoria de subvención para a mellora e dotación de albergues privados, ao obxecto de fomentar a oferta aloxativa de calidade para os peregrinos, onde destaca a presenza feminina tanto na xestión como na dirección deste tipo de aloxamentos.
Neste sentido, a directora de Turismo de Galicia, lembrou que a Xunta vai destinar 500.000 euros a este programa cuxa convocatoria remata o vindeiro día 9 de agosto.
O xurado dos Premios da Cultura Galega 2026 reuniuse hoxe en Santiago de Compostela para outorgar os recoñecementos desta edición. A xuntanza, que tivo lugar na Cidade da Cultura de Galicia, estivo presidida polo conselleiro de Cultura, Lingua e Xuventude, José López Campos. Ao remate do acto, fíxose público o fallo nas distintas categorías propostas, resultando galardoados María Solar, en Letras; Almudena Fernández Fariña, en Artes Visuais; a compañía Elefante Elegante, en Artes Escénicas; a Asociación Galega de Empresas Musicais, en Música; Alfonso Zarauza, na categoría Audiovisual; Espazo Lectura, en Lingua; o Obradoiro de Gaitas Seivane, en Patrimonio Cultural; e o Festival EmigraSON, en Proxección Exterior.
O obxectivo desta rede de recursos é acompañar ás persoas con discapacidade ao longo da súa vida, desde os primeiros anos ata que se fan maiores, ofrecendo respostas axeitadas a cada etapa e a cada necesidade. Desde o ano 2016, o número de unidades de atención temperá aumentou ata as 57. Estes servizos públicos e gratuítos dirixidos a nenas e nenos de 0 a 6 anos de idade son fundamentais para detectar, previr e actuar ante trastornos de desenvolvemento. A Rede galega de atención temperá na actualidade chega a máis de 200 concellos e a 6.000 familias.
