sábado, 12 de julio de 2025
O documento, elaborado trimestralmente polos expertos do Foro Económico de Galicia Patricio Sánchez e Santiago Lago (ambos profesores da Universidade de Vigo) e Fernando González Laxe (coordinador) e José Francisco Armesto, recolle que no primeiro trimestre deste ano a economía galega medrou un 5,1%, unha porcentaxe significativamente inferior á media estatal (6,4%) e moi preto do 5,2% da taxa interanual da UE, onde compre salientar o 11,9% de Portugal impulsado pola achega da demanda interna; e Italia, co 6,2%, mentres Alemaña está moi por baixo da media comunitaria, cun 3,8%. A recuperación da economía, indícase en nota de prensa desde o Foro Económico de Galicia, segue a ser incompleta en Galicia e en España, a diferenza do que acontece na UE-27, Portugal, Francia ou Italia, que superaban xa o nivel existente no cuarto trimestre de 2019.
Os expertos do Foro Económico de Galicia apuntan a un contexto internacional caracterizado por un elevado grao de incerteza derivado en boa medida do impacto negativo da invasión da Ucraína, así como a incidencia de novos confinamentos en centros manufactureiros de China (que afectan á cadea de subministro de industria manufactureiras e ao comercio internacional) ou o retraso da execución dos fondos europeos. A estes factores, engaden a persistente tensión inflacionista que constitúe a grande ameaza da economía non só polo seu impacto no consumo das familias, que ven como se deteriora o seu poder adquisitivo, senón tamén polo empeoramento das expectativas empresariais e, por tanto, unha posible contracción do investimento, e que incluso dana a supervivencia de moitas micropemes.
PIB e mercado laboral
O crecemento agregado do PIB galego, sinalan no informe presentado, caracterízase por unha contribución positiva tanto da demanda interna coma externa, sendo esta última moito máis acusada (1,5 e 3,6 puntos, respectivamente). No que atinxe á demanda interna, o elemento -negativo- diferencial, indican os economistas, é unha nova redución do investimento, que descende de maneira continuada dende o cuarto trimestre de 2019 (agás no segundo trimestre de 2021). No caso do sector exterior, fronte ao incremento interanual das exportacións, volven a reducirse as compras fóra de Galicia. En relación ao nivel precrise, a devandita recuperación incompleta débese, segundo os expertos do Foro Económico de Galicia, ao comportamento do consumo privado e, sobre todo, á caída do investimento. Dende o lado da oferta, o crecemento do PIB en Galicia explícase no informe en boa medida polo comportamento do sector servizos, impulsado polas actividades do comercio, transporte e hostaleira (no ano anterior aínda existían restricións á actividade); e o sector primario, o que contrasta coa contracción experimentada tanto pola construción como polo conxunto da actividade industrial (incluídas as actividades extractivas, manufactureiras e enerxéticas) a pesar da medra que presenta a industria manufactureira.
En canto ao mercado laboral galego, o informe sinala que o primeiro trimestre de 2022 consolida os seus indicadores, que amosan unha evolución favorable agás na poboación parada e a taxa de paro, que apuntan unha tendencia desfavorable respecto ao remate de 2021. A poboación activa recuperou no primeiro trimestre de 2022 a tendencia crecente rachada en decembro do 2021. Porén, non se chegou a acadar o máximo de persoas en activo do terceiro trimestre do pasado ano, segundo os expertos do Foro Económico. Na evolución trimestral da ocupación en Galicia recollida en taxas pode comprobarse, engaden, como tras o espectacular incremento acontecido no segundo trimestre de 2021, dende a segunda metade do ano pasado mantense unha tendencia crecente tanto en termos de postos de traballo a tempo completo como de afiliacións á Seguridade Social. Onde se recollen os peores datos, comentan os economistas, é na evolución do mercado laboral galego. Así, no primeiro trimestre continuouse a senda crecente comezada no último trimestre de 2021 na poboación parada e a súa taxa de paro. O trazo positivo haino que buscar no paro de longa duración que, tras o incremento do pasado trimestre, volveu a recuperar a súa tendencia decrecente, afirman.
O Festival Abanea celebrará entre o 16 e o 20 de xullo a súa cuarta edición cun programa de danza contemporánea de distintos estilos que distribuirá 15 funcións de nove compañías entre os concellos de Ames, Outes, Marín, Foz e Celanova. ISMO Cultura, colectivo organizador do encontro, estenderá así a súa actividade de exhibición e dinamización ás catro provincias. A bailarina Andrea Castro presentou a primeira fase do espectáculo Lola y los lamentos, como artista seleccionada para o acompañamento bienal 20252026 co que o festival apoia procesos de creación de artistas emerxentes e que nesta edición terá como resultado a estrea de 'A mona de seda'.
As diversas actividades do festival terán lugar do 28 de xullo ao 1 de agosto no claustro do Mosteiro de San Salvador de Celanova. A actuación que inaugurará a cita será a da Banda de Música de Celanova con James Morrison, un concerto único en España que terá lugar ás 20,30 horas. Ademais deste, subirán ao escenario a Boston Brass de Estados Unidos, Abraham Cupeiro coa Orquestra Gaos e pechará a edición o Hércules Brass Ensemble dirixido por Isabel Rubio e coa Boston Brass e Adam rapa como solistas. Así, os concertos complementaranse con cinco días de actividades formativas para un centenar de estudantes procedentes de distintas comunidades autónomas. Clases de alto nivel da man dalgúns dos participantes nas actuacións e un seguimento continuo e individualizado que garante un acompañamento pedagóxico para o alumnado.
