jueves, 15 de octubre de 2026
O programa deste inaugural comezará ás 12,00, se ben ás 11,45 xa se prevé a recepción de autoridades e convidados na Praza do Mercado. Entre estas autoridades estará o Conselleiro de Cultura, Educación e Universidades, Román Rodríguez González, que co Alcalde José Manuel Mato Díaz presidirá os actos.
Ás 12,00, será inaugurado o MONUMENTO AOS CABALEIROS DE SANTIAGO, protectores do Camiño e dos Peregrinos, obra de Cándido Pazos. Intervirán o Alcalde, o escultor e o Conselleiro, descubrindo os tres o novo Monumento do Camiño.
A continuación (12,15, aprox.) no Edificio Multiusos, percorrido polas exposicións:
* "Do tempo das luces..." - Fotos antigas de xentes de Paradela, inicio do Arquivo Fotográfico do Concello.
* "Paradela, senda infinita" "Viaxe" pola historia e realidade do Concello
* "Manuel Rodríguez López, 2.0" Exposición audiovisual, Homenaxe ao escritor, Fillo predilecto de Paradela.
* Escultura do Paradelense ÁLVARO DE LA VEGA, coa que se suma á celebración.
ç
De seguido, Acto oficial de inauguracion, no que intervirán o Alcalde dando a benvida aos asistentes; o historiador Xaime Felix López Arias (Arlindo); Xulio Xiz, dando conta do máis importante das celebracións; o fillo predilecto de Paradela, Diego López Rodríguez; a Presidenta da Asociación de Mulleres de Paradela, Rocío Domínguez Brea, e o Conselleiro Román Rodríguez González.
O cantautor de Becerreá, Alfredo González Vilela cantará dúas cancións sobre poemas do seu amigo Manuel Rodríguez López)
Ao remate, ofrecerase aos presentes viño da Ribeira Sacra con pinchos do País.
* Entregaranse aos asistentes a monografía "Os 200 anos do Concello de Paradela", de Xaime F. López Arias (Arlindo) e os catálogos das tres exposicións.
* Estas mostras permaneceran durante o verán en Paradela. De setembro a decembro, "Paradela, senda infinita" e "Manuel Rodríguez López, 2.0" viaxarán a Lugo, Pedrafita, Triacastela, Samos, Sarria, Portomarìn, Monterroso, Palas de Rei, Melide, Arzúa, O Pino, Santiago e A Coruña.
Un total de cinco candidaturas galegas optan como finalistas aos XIX Premios Nacionais de Artesanía, convocados polo Ministerio de Industria, Comercio e Turismo. Galicia convértese así na comunidade con máis finalistas, con candidaturas en catro das cinco categorías. En concreto, os ceramistas Barreiros Artesanía e a deseñadora e redeira Amalia Puga optan ao Premio Produto, mentres que Sandra Vilas é candidata por segundo ano consecutivo ao Premio Emprendemento. Na categoría Promociona para Entidades Privadas, resultou finalista a asociación APAMP e a súa marca A Casa Rodante; e no Promociona para Entidades Públicas, é candidata a Fundación Pública Artesanía de Galicia.
O conselleiro de Presidencia, Xustiza e Deportes, Diego Calvo, anunciou que a Xunta vai desenvolver o título II da Lei de Xuventude de Galicia' para mellorar a calidade dos servizos que se prestan á mocidade galega con medidas para 'incrementar o número de monitores nos campamentos ou flexibilizar os requisitos para poder exercer este traballo'. Así se recolle no proxecto de decreto co que se actualiza o segundo título desta normativa que foi avaliado hoxe no Consello da Xunta e que se publicará nos vindeiros días no Diario Oficial de Galicia 'despois dun longo proceso de participación e diálogo cos axentes implicados' a través de distintos espazos de escoita activa.
