viernes, 9 de mayo de 2025
Galicia participa en catro Plans complementarios de I+D+i, programas de investigación en áreas estratéxicas, cofinanciados entre o Ministerio de Ciencia e Innovación e as comunidades autónomas no marco do Plan de Recuperación, Transformación e Resiliencia. A través destes plans, Galicia captou 26,5 millóns de euros de financiamento estatal, no ámbito das ciencias mariñas, a comunicación cuántica, a biodiversidade e a biotecnoloxía aplicada á saúde.
Ademais do sector biotecnolóxico e o seu posicionamento no Perte de Saúde de Vangarda anunciado polo Goberno, Conde tamén abordou coa secretaría xeral de Investigación o Polo Aeroespacial de Galicia e o Polo de Tecnoloxías Cuánticas, dúas das iniciativas coas que a Comunidade busca contribuír á transformación do tecido industrial contando con financiamento europeo.
A Mostra Internacional de Teatro Cómico e Festivo de Cangas presentou hoxe a programación da súa 42ª edición, que se celebrará entre os días 22 de xuño e 6 de xullo no Auditorio Municipal Xosé Manuel Pazos Varela, así como nas rúas e noutros espazos da vila do Morrazo, que acollerán 26 espectáculos e un nutrido programa de actividades lúdicas e sectoriais. O certame, organizado desde 1984 pola Asociación Cultural Xiria, é un dos poucos festivais de teatro europeos cuxo principal selo de identidade é a comedia, unha marca consolidada e referente da produción escénica deste xénero en calquera das súas vertentes: negra, branca, xestual, contemporánea, circense, dramática, musical e, dende hai máis dunha década, tamén na danza.
A praza Conde de Fontao de Foz será o enclave elixido para a actuación extraordinaria do festival o 31 de xullo con La Carroza Del Real, mentres que o destacado pianista Denis Kozhukhin abrirá oficialmente o ciclo de concertos o 12 de agosto na Fortaleza de Alfoz. O 13 de agosto a Real Filharmonía de Galicia e o Coro da Comunidade de Madrid realizarán o primeiro concerto sinfónico-coral no que interpretarán o Réquiem de Mozart na Catedral de Mondoñedo. A clausura do XII Festival Bal y Gay será co barítono galego Borja Quiza, o 21 de agosto, no Teatro Pastor Díaz de Viveiro, cita na que tamén participarán o pianista Javier Carmena e a mezzosoprano Andrea Rey, nunha proposta que mesturará as raíces galegas e españolas.
