jueves, 30 de abril de 2026
O alumnado dos CEIP de Tenorio en Cercedo-Cotobade e A Rúa de Cangas, na provincia de Pontevedra, e do CPI O Cruce de Cerceda e do IES O Mosteirón de Sada, na da Coruña, foron recibidos, xunto aos seus profesores, por Dolores Meijomín, coordinadora de Política Audiovisual da Axencia Galega das Industrias Culturais; Mónica García, da Filmoteca de Galicia e coordinadora de Cinema en curso en Galicia, e Nuria Aidelman e Laia Collel, da asociación A Bao A Qu e directoras deste proxecto internacional, que vai xa pola súa 17ª edición coa implicación de centros de Cataluña, Comunidade Valenciana, Madrid, País Vasco, Alemaña, Chile e México.
Pezas documentais
Asistiron, así mesmo, os tres realizadores que traballaron cos estudantes nestas catro pezas documentais, que parten da investigación sobre a contorna máis próxima e a súa posta en valor para, a través do cine, aprender a mirar e a apreciar a realidade doutro xeito. Cada un dos grupos levou a cabo a súa propia produción cinematográfica, rotando tanto nas funcións artísticas como nas técnicas.
Ángel Santos acompañou neste proceso creativo os 28 estudantes de 6º de Primaria do CEIP de Tenorio e os 23 do mesmo curso do CEIP A Rúa que participaron este ano en Cinema en curso. O alumnado de Cercedo-Cotobade filmou Entre camiños como un retrato da vila de Tenorio e do día a día das súas xentes, desde o amencer ata o solpor, deténdose así mesmo nos principais oficios da zona.
Pola súa banda, os estudantes de Cangas presentaron Mar de baixura, unha fita sobre este tipo de pesca no porto do Morrazo, na que seguen os mariñeiros desde que saen a faenar ata a descarga do peixe e a súa venda na lonxa.
No caso do CPI O Cruce de Cerceda, o director Xacio Baño colaborou con 16 alumnos de 2º da ESO e cos seus profesores na rodaxe de Ata pronto, adeus. A emigración é o tema central desta peza a través das vivencias dos avós que marcharon hai anos deste municipio coruñés na procura dun porvir mellor e dos novos veciños que chegan agora á vila para construír o seu futuro.
Por último, Otto Roca traballou canda 22 rapazas e rapaces de 4º da ESO do Mosteirón, en Sada, no documental Da madeira ao mar sobre a carpintaría de ribeira do porto de Lorbé, unha das últimas de Galicia. Na súa fita, retratan todo o proceso de construción dun barco de madeira, ademais da actividade xeral do propio porto.
A edición 2026 artéllase arredor dun formato expandido, con varias datas e localizacións ao longo da provincia, convertendo cada encontro nunha peza dun ecosistema cultural máis amplo. O 6 de xuño, en Expourense será a cita inaugural co rock lendario de Loquillo, o magnetismo vintage de Kitty, Daisy & Lewis e o fenómeno galego do momento, The Rapants. O 31 de xullo, na Praza da Veracruz do Carballiño a banda Burning, ofrecerá un concerto gratuíto; e o 4 de outubro, no Pazo de Deportes Paco Paz, o festival culminará o regreso de Luz Casal a Ourense. Loquillo, icona indiscutible do rock estatal con case cinco décadas de traxectoria, chega en plena xira do seu último traballo Corazones Legendarios, cun directo que revisita os grandes éxitos dunha carreira tan influente como extensa.
Galicia pechou o primeiro trimestre deste ano con máis poboación empregada que hai un ano. Neste sentido, os datos da Enquisa de Poboación Activa (EPA) publicados hoxe e relativos ao primeiro trimestre deste ano reflicten unha suba de 28.000 persoas ocupadas en relación ao ano pasado, lixeiramente superior á do conxunto do Estado e acadando, con 1.178.100, a cifra máis alta nun primeiro trimestre desde 2008. Ademais, a comunidade rexistra a maior taxa de emprego (49,30) nun primeiro trimestre en 18 anos e unha taxa de paro menor (8,96) que no conxunto de España (10,83). Ademais, as taxas galegas de paro feminino (9,51) e xuvenil (24,30) tamén son máis baixas que no conxunto do Estado.
