lunes, 10 de agosto de 2026
A directora de Turismo de Galicia, Nava Castro, xunto ao director de área de negocio de Alta Velocidade de Renfe, Francisco Arteaga, o presidente do Inorde, Rosendo Fernández, e o delegado da Xunta en Ourense, Gabriel Alén, participou na presentación da nova tempada dos Trens Turísticos de Galicia.
Nava Castro avanzou que nos meses de setembro e outubro hai programadas 37 saídas, con novos roteiros, melloras e novidades que amplían máis aló do verán o éxito desta experiencia que cumpre xa sete edicións. Así mesmo, indicou que xa se venderon un 26% de toda a oferta de prazas de trens turísticos desta edición, o que significaría que contando só a oferta de prazas do mes de xuño sería case do 75 %.
Os Trens Turísticos de Galicia conseguiron unha ocupación de case o 100% na edición anterior entre os meses de xuño e agosto, o que mostra a súa consolidación como un dos produtos turísticos máis demandados polos galegos e visitantes. Neste sentido, a directora de Turismo de Galicia avanzou que este ano se amplían o número de prazas así como dous novos roteiros, a das Mariñas e o roteiro de Queixos de Galicia
Como sinalou Nava Castro, a pesar de que a tempada estival é importante para o turismo, trátase dunha actividade que, no modelo sostible galego, aspira a ser relevante en calquera época. Nesa liña, destacou que profundar na desestacionalización da demanda é un dos obxectivos da estratexia por parte da Xunta de Galicia e que se está logrando grazas a iniciativas tan interesantes como esta.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
