sábado, 7 de noviembre de 2026
Deste xeito, e en materia sanitaria, o titular do Executivo galego recordou que a principal dificultade que atravesa Galicia, ao igual que o resto das comunidades de España, é a falta de médicos. Ao respecto, referiuse á necesidade de defender cunha única voz aqueles asuntos que si se traducirían nun alivio duradeiro do sistema sanitario público: abrir 64 novas prazas de formación de médicos de familia, que permitan a remuda xeracional e cubrir as prazas que quedan vacantes; cambiar o mecanismo de asignación de prazas MIR; e crear a especialidade de medicina de urxencias e emerxencias.
Converter os fondos Next Generation nunha oportunidade
Durante os encontros, Rueda abordou tamén a situación económica que está a vivir Galicia, recordando a oportunidade que supoñen os fondos europeos Next Generation. Rueda avanzou que os partidos da oposición compartiron a necesidade de que a xestión dos Perte se descentralice
Sobre este punto, trasladou novamente a preocupación pola falta de concreción no reparto dos fondos que podería afectar a proxectos importantes impulsados pola Comunidade como: a factoría de fibras téxtiles sostibles, a planta de biogás para a xestión de xurros e o proxecto de automoción AutoÁncora.
Un impulso decidido ás infraestruturas que dependen do Estado e aínda pendentes
Rueda insistiu tamén na necesidade de acudir á reunión con Pedro Sánchez cun posicionamento conxunto en materia de infraestruturas vitais que levan moito tempo paralizadas, como: o remate da autovía Santiago-Lugo, os tramos pendentes na autovía Lugo-Ourense, a circunvalación de Pontevedra, a autovía da Mariña e a autovía Vigo-O Porriño. Ademais da necesidade de reclamar un impulso decidido á saída Sur de Vigo, como primeira fase da conexión de alta velocidade con Portugal, incluíndo a conexión da terminal portuaria de Bouzas.
O presidente da Xunta recordou ademais que Galicia sigue esperando a chegada dos trens Avril para o mes de xullo para levar, por fin, a alta velocidade ferroviaria a Santiago, A Coruña, Pontevedra e Vigo.
Traspaso das competencias sobre o litoral e a AP-9
Ante a persistente negativa do Executivo de traspasar as competencias de xestión do dominio público marítimo-terrestre, Alfonso Rueda propuxo ao BNG e ao PSdeG consensuar un plan de actuación, sexa a través dun Real Decreto ou dunha Lei orgánica, pois a falta de sensibilidade cara ás características propias do tecido do litoral galego, que pode poñer en risco o modo de vida de moitas familias. E, finalmente, referiuse á necesidade de axilizar a comprometida transferencia da AP-9.
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
