martes, 23 de diciembre de 2025
A conselleira de Promoción do Emprego e Igualdade, María Jesús Lorenzana, e a presidenta do Consello da Cultura Galega, Rosario Álvarez, presentaron hoxe o Foro de Identidades e Disidencias Sexuais, un espazo pioneiro, que, como destacou a conselleira, permitirá actualizar a información sobre as necesidades das persoas LGTBI para darlles unha resposta axeitada -mediante os recursos e servizos que poidan demandar- e previr as condutas violentas contra o colectivo.
A Consellería de Promoción do Emprego colabora nesta iniciativa co Consello da Cultura Galega co obxectivo de avanzar para lograr unha sociedade en igualdade de condicións e de oportunidades para todas elas, indicou Lorenzana.
É preciso recoñecer que aínda hoxe en día as actitudes e condutas homofóbicas e transfóbicas están profundamente arraigadas na nosa sociedade, expoñendo cun enfoque negativo a moitas persoas homosexuais, bisexuais, transexuais e intersexuais, indicou a conselleira, quen remarcou que afecta a todas as idades e lugares de residencia. Coñecer en profundidade esta realidade e a situación actual, identificando e falando abertamente das necesidades fundamentais do colectivo para poder darlles un resposta e mellorar como sociedade, cunha metodoloxía activa, participativa e inclusiva, é un dos obxectivos deste Foro de Identidades e Disidencias Sexuais de Galicia, remarcou.
O traballo do Foro concluirá o vindeiro ano coa presentación dos resultados e dunha guía práctica que axudará a orientar actuacións e medidas para lograr a plena igualdade e a non discriminación das persoas LGTBI.
A Xunta defende unha igualdade real e efectiva que, a través do Foro, se analizará desde prismas como a participación pública, a seguridade, a educación e a sanidade, o ámbito laboral, territorial, os servizos sociais e o idadismo, o pensamento e a cultura, a memoria viva e a diversidade e as violencias.
Os traballos do Foro artellaranse, así, en cinco eixos para debuxar un mapa social e institucional completo que contará coa participación de universidades, persoal da administración, asociacións e colectivos LGTBI, recalcou a conselleira. Todos estes interlocutores aportarán as súas necesidades e demandas coa finalidade de obter un documento útil que permita contribuír a deseñar políticas públicas encamiñadas a previr a violencia LGTBIfóbica, en calquera das súas manifestacións, e alcanzar a plena igualdade de oportunidades para calquera persoa na nosa contorna, engadiu Lorenzana.
Aproveitando a ocasión, a titular de Igualdade anunciou que o próximo 13 de xuño, inaugurarase no IES Rosalía de Castro de Santiago, a exposición divulgativa sobre evolución histórica do movemento LGTBIQ+, outra das accións que se enmarcan no acordo de colaboración entre a Consellería de Promoción do Emprego e Igualdade e o Consello da Cultura Galega.
Compromiso reforzado
Galicia garante o principio de igualdade trato e de non discriminación por razón de orientación sexual e identidade de xénero e artella medidas para previr, corrixir e eliminar as discriminacións nos sectores público e privado, desde hai anos, a través da lei 2/2014 pola Igualdade de trato e a non discriminación de lesbianas, gais, transexuais, bisexuais e intersexuais de Galicia, sendo a primeira comunidade cunha lexislación neste eido.
A comunidade conta ademais co Observatorio contra a discriminación por orientación sexual e identidade de xénero, outra iniciativa pioneira que se constituíu en 2018. Un órgano colexiado, con carácter consultivo e de participación social, aberto a todas as organizacións que desexen unirse para sumar esforzos na loita contra a discriminación por razón de orientación sexual ou identidade de xénero, incidiu a conselleira, quen lembrou que tras aprobarse o seu regulamento de funcionamento o pasado ano, este mes de xuño realizarase unha nova convocatoria.
A Xunta celebra cada ano, por outra banda, acordos de colaboración coas principais entidades representativas das persoas LGTBI na comunidade (Arelas, Casco, Nós Mesmas, Alas, Les e Pvlse LGTBIQ+), dotados con 6.000 euros para cada entidade, un importe que se duplicou en 2021.
O programa Radio na Biblio, que vai polo noveno ano en funcionamento, chega este curso a 245 centros de ensino que contan cun laboratorio de radio no que traballan as competencias vencelladas á alfabetización mediática, lingüísticas ou de expresión escrita e oral, entre outros. Con nove cursos en marcha, trátase dun programa consolidado que aproveita a posta en marcha dunha emisora de radio na biblioteca para traballar habilidades e destrezas e que permite o tratamento de contidos curriculares mediante metodoloxías activas e innovadoras que facilitan a aprendizaxe. Ademais, as actuais tecnoloxías da información e da comunicación facilitan o uso da radio como ferramenta pedagóxica de gran alcance para a difusión dos proxectos e iniciativas do centro educativo.
Tivo lugar a na cerimonia de entrega dos XVIII Premios Nacionais de Artesanía 2025, na que resultaron premiadas dúas candidaturas galegas. O artesán Aitor Martínez López de Arbina (Tomiño), especializado en tornería de madeira, resultou gañador na categoría Produto e a Fundación Artesanía de Galicia obtivo o recoñecemento na categoría Promociona para Entidades Públicas polo seu proxecto 'Artesanía no Prato'.
