sábado, 7 de noviembre de 2026
O Palacio da Ópera da Coruña acolleu esta mañá a presentación da nova edición do ciclo de concertos Xacobeo Importa, nun acto no que se fixo público o cartel completo de concertos programados ata fin de ano no marco desta iniciativa, inserida na programación do Xacobeo 21-22 e nos Concertos do Xacobeo. Con motivo da celebración do Ano Santo, e do mesmo xeito que se fixo na edición de 2010, o ciclo Galicia Importa transfórmase no Ciclo Xacobeo Importa, para presentar hoxe a súa edición máis importante até a data, con 12 concertos con artistas de renome internacional, algúns deles con datas exclusivas en Galicia.
Na presentación, na que participou a directora de Turismo de Galicia, Nava Castro, e a alcaldesa da Coruña, Inés Rey, a responsable de Turismo fixo fincapé na importancia da aposta por unha oferta musical diversa, de calidade e, sobre todo, descentralizada en todo o territorio e orientada a todo tipo de públicos, principios nos que se basea toda a programación da celebración deste Ano Santo.
Neste sentido, Nava Castro puxo en valor o éxito acadado por este ciclo de concertos ao longo das dez edicións en que leva en funcionamento, un éxito que permitiu situar a Galicia no escenario da música independente, facendo posible que bandas e artistas recoñecidos internacionalmente recalaran no noso territorio, moitas veces como única parada en España nas súas xiras mundiais, explicou. Ademais, lembrou que lembrou que a banda Simple Minds, por exemplo, volve a Galicia 20 anos despois do seu último concerto na comunidade, e faino da man deste ciclo.
Cinco localidades e dez concertos
Variedade de estilos musicais, de escenarios e de localidades, pero sempre baixo os principios da orixinalidade e da calidade das propostas, a 11ª edición de Xacobeo Importa inclúe unha ducia de concertos que se comezaron en febreiro e que se celebrarán ata o mes de outubro na Coruña, Santiago, Vigo, Pontevedra e Ourense, cidades que acollerán os concertos previstos en escenarios como o propio Palacio da Ópera, a Sala Capitol, o Auditorio Mar de Vigo ou o Pazo da Cultura de Pontevedra, onde rematará en outubro o ciclo.
O programa desta edición incluíu os concertos de Eagles Of Death Metal e Joan As Police Woman, xa celebrados, e contará cos concertos dos ingleses White Lies e de The James Hunter Six en maio. En xuño actuará a lenda viva do jazz Pat Metheny e o concerto de LP, o 25 na Coruña, ademais da raíña da música brasileira Marisa Monte, que actuará o 26 de xuño en Vigo. A programación complétase cos concertos da danesa Agnes Obel o 7 de xullo en Vigo e da estrela mundial do soul Leon Bridges o 10 de xullo, tamén en Vigo, para rematar en outubro co concerto en Pontevedra de Madeleine Peyroux.
PROGRAMACIÓN CONCERTOS XACOBEO IMPORTA 2022
White Lies (15 Maio - Sala Capitol, Santiago D.C)
James Hunter (28 Maio - Teatro Principal, Ourense)
Pat Metheny (17 Xuño - Auditorio Mar de Vigo)
LP (25 Xuño - Palacio de la Ópera, A Coruña)
Marisa Monte (26 Xuño - Teatro Afundación, Vigo)
Agnes Obel (7 Xullo - Auditorio Afundación, Vigo)
Leon Bridges (10 Xullo - Auditorio Mar de Vigo)
Simple Minds (27 Xullo - Coliseum de A Coruña)
Jacob Collier (27 Xullo - Sala Capitol, Santiago D.C)
Madeleine Peyroux (15 Outubro - Pazo da Cultura, Pontevedra)
A Filmoteca de Galicia pon o foco da súa carteleira para novembro na estrea do ciclo dedicado ao guionista Rafael Azcona no centenario do seu nacemento, unha escolma do cinema do xaponés Keisuke Kinoshita e a visita de James Benning para presentar as súas dúas últimas películas. Coa proxección de El pisito, de Marco Ferreri, comeza esta mesma tarde a Consellería de Cultura, Lingua e Xuventude a conmemoración do centenario de Rafael Azcona, que ata o mes de xaneiro ofrecerá unha escolma representativa da súa dilatada carreira xunto a grandes directores do cinema español. Este mes poderá verse El jardín de las delicias, de Carlos Saura; El anacoreta, de Juan Estelrich, e El año de las luces, de Trueba.
O avance do último informe climatolóxico elaborado por MeteoGalicia indica que a Comunidade rexistrou un mes de outubro cálido e moi seco. Foi un período anómalo, xa que as altas presións foron moito máis frecuentes do que cabería agardar nesta época. De feito, só chegaron tres frontes desde o Atlántico que, ademais, tiveron pouca actividade. Neste contexto, as temperaturas estiveron por riba dos valores climatolóxicos e as precipitacións acumuladas foron moi inferiores ao que cabería agardar. Máis polo miúdo, a media das temperaturas foi superior ao habitual neste mes, sobre todo no caso das máximas, debido ao predominio de situacións anticiclónicas que achegaban aire cálido desde o sur.
