jueves, 29 de octubre de 2026
Así mesmo, lamentou a distribución levada a cabo ata o de agora, marcada polo centralismo -o Goberno resérvase o 100% dos fondos para proxectos industriais- e a lentitude. De feito, dos nove Pertes aprobados no Consello de Ministros por máis de 33.700 millóns de euros, menos do 14% se traduciron en convocatorias. Os fondos teñen que servir para transformar a economía cara á innovación, a sustentabildiade e a dixitalización, afirmou.
Conde incidiu en que desde Galicia se está cumprindo tanto coa presentación de proxectos tractores como na priorización de iniciativas solicitadas polo Goberno central. Así, lembrou que esta mesma semana se presentou un deses grandes proxectos: a construción dunha biofábrica de fibras téxtiles no concello lucense de Palas de Rei -na comarca da Ulloa-, da man da multinacional Altri, que implicará un investimento de 800M e a creación de 2500 empregos. Agárdase que poida acceder aos fondos europeos, unha vez que xa se presentou ao Goberno.
En total, Galicia trasladou ao Executivo propostas a todas as convocatorias anunciadas por valor de 8500 millóns de euros e coa participación de 200 empresas. Neste sentido, Conde amosou a preocupación tanto do Goberno galego, como do sector da automoción da Comunidade polo Perte do vehículo eléctrico e conectado, ante a posibilidade de quedar fóra a pesar de contar co principal fabricante de vehículos de España. Tal e como sinalou, desde Stellantis Vigo indican que os requisitos exixidos non van permitir que poida acollerse ás axudas e advertiu de que pode ser prexudixial para a viabilidade da propia factoría e para a competitividade desta industria en Galicia.
Conde rematou reiterando a petición de cogobernanza e solicitando transparencia e axilidade para non poñer en risco a execución dos proxectos.
O proxecto Xenoma Galicia, que conta cun investimento de 20 millóns de euros, ten por obxecto recompilar o ADN de 400.000 galegos para identificar os xenes relacionados co cancro de mama e ovario hereditario, a síndrome de Lynch e a hipercolesterolemia familiar. Ata o de agora, foron analizadas 3.112 mostras biolóxicas. En concreto, 1.037 mostras de sangue na primeira pilotaxe do proxecto, 796 de saliva no segundo piloto e, coa primeira fase do proxecto en marcha, 1.279 mostras dos voluntarios dos primeiros distritos participantes. A análise das mostras destes 1.279 participantes da fase 1 permitiu detectar 25 novos casos positivos. En concreto, 14 participantes deron positivo en cancro de mama e ovario hereditario, dous na síndrome de Lynch e nove en hipercolesterolemia familiar.
A Pedreira e Fillas de Cassandra estarán presentes no Womex 2026, o máis importante encontro mundial das músicas folk e de raíz que se celebra ata este domingo en Las Palmas de Gran Canaria. Trátase dunha iniciativa que ofrece aos artistas e ás empresas galegas un espazo para dar a coñecer o seu traballo ante programadores, festivais, axencias de contratación e outros profesionais de diferentes países. A artista foi escollida por un xurado internacional independente para formar parte dos Official Showcases, a selección oficial de concertos coa que Womex achega aos profesionais propostas das músicas do mundo.
