sábado, 18 de octubre de 2025
O vicepresidente primeiro, Alfonso Rueda, reafirmou o compromiso do Goberno galego coa poboación ucraína, pero pediu medios e coordinación para que as comunidades autónomas poidan facer fronte a esta emerxencia humanitaria e garantir as necesidades e os dereitos das persoas desprazadas. De entrada, o vicepresidente primeiro considerou prioritario habilitar con urxencia prazas de primeira acollida para as entidades que xestionan o sistema de protección internacional co financiamento necesario.
Rueda e García trasladáronlle a Miñones a necesidade de habilitar recursos económicos extraordinarios a disposición das comunidades autónomas e as entidades locais para que se repartan de forma solidaria os esforzos para ofrecer unha correcta atención sanitaria e educativa aos desprazados, así como promover a súa inclusión social e facilitarlles o acceso ao emprego.
Para acadar eses obxectivos, o Goberno galego considera necesario establecer canles fluídos de información en tempo real sobre o número de refuxiados que chegan a Galicia, a súa identidade e o lugar no que se aloxan para facilitar o seu acceso á sanidade e á educación en condicións de igualdade, así como medidas de protección específicas para os menores de idade, sobre todo, os non acompañados.
O Goberno galego considera necesario e urxente garantir o dereito á educación dos refuxiados e o acceso ao sistema de saúde, así como a posibilidade de que accedan a un posto de traballo, para o que considera necesario que as persoas desprazadas poidan homologar a súas titulacións. Tamén considera imprescindible que se adopten medidas que lles permitan acceder á cobertura sanitaria e farmacéutica.
Os representantes do Goberno galego incidiron tamén na necesidade de facer os cambios normativos necesarios para que estas persoas poidan acceder, en caso de necesitalo, ao ingreso mínimo vital e asegurarse así os medios para unha subsistencia digna mentres non poidan optar a un posto de traballo.
A directora xeral de Patrimonio Natural, Marisol Díaz, informou hoxe sobre a declaración da emerxencia cinexética temporal nun total de 38 comarcas galegas pola presenza e os danos ocasionados polo xabaril, que entrará en vigor mañá, sábado, 18 de outubro, logo de que hoxe se publicasen as correspondentes resolucións no Diario Oficial de Galicia. Segundo indicou Marisol Díaz, as declaracións de emerxencia cinexética temporal nas áreas sinaladas inclúen os Tecores e zonas libres onde se poderán desenvolver estas medidas extraordinarias e excepcionais.
O Roteiro dos Faros percorre o norte de Galicia e visita Cabo Ortegal, o miradoiro de Vixía Herbeira, o Santuario de Santo André de Teixido e o Cabo Estaca de Bares. Os participantes tamén poden coñecer Viveiro e os cantís de Loiba. Este itinerario do Roteiro dos Faros desenvólvese nos meses de xuño a setembro. En 2025, o programa de Trens Turísticos de Turismo de Galicia alcanzou se un 92,15% de ocupación nas prazas á venda. As rutas nas que practicamente esgotaron a totalidade das prazas foron as dos Queixos, Ribeira Sacra-Miño, Rías Baixas, Ribeira Sacra-Sil e Faros.
