jueves, 18 de junio de 2026
Deste algo máis dun milleiro de prazas, 714 proceden de centros da Xunta, 281 achegáronas os concellos galegos a través da Federación Galega de Municipios e Provincias (Fegamp) e 139 veñen de entidades sociais. A Xunta xa remitiu estes datos ao Ministerio de Inclusión, Seguridade Social e Migracións, que será o encargado de centralizar o reparto por comunidades autónomas.
Os datos iranse actualizando na medida en que os distintos axentes vaian ampliando o número de centros e prazas. Os centros postos á disposición por parte da Administración autonómica son: as Residencias de Tempo Libre de Panxón e o Carballiño, o Centro de Formación e Experimentación Pedro Murias de Ribadeo, o albergue xuvenil de Portomarín, as Casas do Mar de Burela, Celeiro-Viveiro e A Coruña, o Centro de acollida para vítimas de violencia de xénero de Vigo e os centros residenciais docentes da Coruña, Ourense e Vigo.
Estas prazas súmanse ás 432 camas en hospitais nas sete áreas sanitarias para acoller a aquela poboación de Ucraína con necesidades de atención sanitaria. Delas, 113 serán para pacientes pediátricos, 15 para nenas e nenos con necesidades de tratamento oncolóxico e o mesmo número para neonatos. Con respecto aos adultos, das 319 prazas dispoñibles para eles, un total de 25 serían para pacientes oncolóxicos en tratamento.
Axuda humanitaria
A solidariedade é, sen dúbida, unha das características máis relevantes da cidadanía galega e na actual crise provocada polo conflito bélico en Ucraína, unha vez máis, as mostras de solidariedade son constantes. A Dirección Xeral de Relacións Exteriores e coa UE está poñendo en marcha os instrumentos de financiamento de axuda humanitaria dos que dispón para facer fronte á crise en Ucraína.
Por un lado, canalízanse fondos a través dos tres convenios de colaboración asinados con entidades expertas na atención deste tipo de crises (Farmacéuticos Mundi, Unicef e a Axencia Española de Cooperación Internacional). Doutra banda, disponse doutra vía para o financiamento de intervencións de resposta a emerxencia e crises humanitarias, que é a convocatoria para proxectos de acción humanitaria no exterior que se publicará nas vindeiras semanas.
Ademais, coa finalidade de coordinar a resposta dende Galicia, a Xunta está a convocar unha reunión de urxencia, prevista para o luns día 7 de marzo, na que participarán distintos axentes de cooperación con presenza en Galicia e traballo na zona do conflito. Nela participarán a Fegamp, o Fondo Galego de Cooperación e Solidariedade, o Concello de Santiago, a Coordinadora Galega de ONGD e entidades humanitarias con presencia sobre o terreo.
A Xunta de Galicia agradece profundamente as mostras de solidariedade e os ofrecementos brindados á poboación afectada polo conflito e lembra que nas crises de carácter humanitario a canalización da axuda mais efectiva e con maior impacto é a través de doazóns de fondos ás organizacións humanitarias especializadas que están a traballar no lugar do conflito.
A Mostra Internacional de Teatro de Ribadavia reunirá do 17 ao 25 de xullo 25 espectáculos procedentes de Galicia, Portugal, Francia, México e diferentes comunidades autónomas, nunha 42ª edición atravesada pola creación contemporánea, a diversidade de linguaxes e formatos, a memoria histórica, a música en directo e a capacidade da escena para activar pensamento crítico e experiencia colectiva. Entre estas propostas figura A Fortaleza, da compañía A Feroz, coproducida polo Centro Dramático Galego e o festival FITEI do Porto. A obra, dirixida pola portuguesa Raquel Sousa e con dramaturxia de Lorena Conde e da propia Sousa, recupera a memoria das guerrilleiras antifranquistas galegas a través da figura de Consuelo Rodríguez López, Chelo.
O Festival de Música Antiga e Barroca Ateneo Barroco celebrará do 6 ao 20 de outubro a súa oitava edición cun programa articulado arredor da música antiga, os instrumentos históricos, a divulgación e o encontro co público. O certame compostelá ofrecerá seis concertos en diferentes espazos da capital de Galicia, ademais de cinema documental, unha conferencia, unha acción de improvisación, un club de lectura e varios encontros cos artistas. A programación principal de Ateneo Barroco desenvolverase en espazos como a Igrexa da Universidade, o Teatro Principal, o Salón Teatro e o Paraninfo da Universidade. O calendario de recitais abrirase con Lina Tur Bonet e Bach, partita, sonata, e continuará con Ars Atlántica, Resonet, Arc & Volta e Bertrand Cuiller, antes do peche con Accademia del Piacere e Fahmi Alqhai en In dulci jubilo.
