viernes, 19 de junio de 2026
O reitor da USC, Antonio López, presidiu o tribunal encargado de resolver a vixésima segunda edición deste galardón nunha sesión na que tamén participaron de xeito presencial a vicerreitora de Coordinación do Campus de Lugo, Montserrat Valcárcel, e a vicepresidenta de Aresa, Carlota López. O presidente fundador de Aresa, Álvaro Rodríguez Eiras, a presidenta da Asociación Nacional de Enxeñaría Agrónoma, Mª Cruz Día, e a CEO de Galchimia e presidenta do Clúster Tecnolóxico Empresarial das Ciencias da Vida, Carmen Pampín, todos eles membros do xurado, participaron das oportunas deliberacións de xeito telemático.
Dacordo coas premisas establecidas nas bases da convocatoria do XXII Premio Aresa, o xurado valorou con especial atención as iniciativas e proxectos que contribúen a favorecer o desenvolvemento socioeconómico do medio rural, ao tempo que melloran a calidade de vida e o grao de benestar das persoas que viven nel, segundo indicou a vicepresidenta de Aresa.
O ditame do XXII Premio Aresa, unha decisión adoptada por unanimidade, segundo subliñou o reitor Antonio López, tivo especialmente en conta o labor de formación e capacitación profesional que desenvolve o Centro de Promoción Rural-EFA Fonteboa desde a súa posta en marcha en 1975 no municipio coruñés de Coristanco.
A actividade que realiza a EFA Fonteboa é especialmente importante para facer fronte a un dos grandes problemas que está a rexistrar o medio rural galego, como é o caso da falta de relevo xeracional, salientou Antonio López, para logo cifrar en máis de 1.100 o número de estudantes graduados nos distintos programas de Formación Profesional Agraria que se imparten neste centro.
A maioría das persoas formadas na EFA Fonteboa están xa incorporadas como profesionais en explotacións agrarias e contribúen así ao fortalecemento do tecido económico e social dos concellos rurais, segundo puxo de manifesto o xurado do XXII Premio Aresa, que se referiu ao Centro de Promoción Rural EFA Fonteboa como unha iniciativa social capaz de dar resposta ás necesidades de formación advertidas no medio rural.
Entrega do galardón
Unha vez publicado o ditame do xurado do XXII Premio Aresa, a cerimonia de entrega deste galardón desenvolverase o vindeiro 11 de marzo, a partir das 20.00 horas, no auditorio da Facultade de Veterinaria do Campus de Lugo. O desenvolvemento desta gala, a través do que se busca recuperar o formato tradicional que de sempre caracterizou a entrega do Premio Aresa, podía rexistrar cambios en función da evolución da pandemia.
Méritos dos finalistas
Ademais de salientar os méritos da candidatura gañadora, os membros do xurado recoñeceron a calidade do resto de propostas presentadas: Proxecto de gandería extensiva de carne de vacún de Dolores Vázquez Carballés; Centro de Promoción Rural EPA Fonteboa; Tres Fuciños SCG; Muuhlloa; Timbersoul; Traloagro; Amarelarte; Consello Regulador da Denominación de Orixe O Cebreiro; Sistema comunal de xestión da Comunidade Montes Veciñais en Man Común de Couso (Pontevedra); Estratexia de loita ecolóxica fronte a praga da rata toupa; Carabuñas e Belacolmea. A calidade, a innovación e a cantidade de candidaturas presentadas ao XXII Premio Aresa dan conta da riqueza e da vida que agocha o medio rural de Galicia, dixo Carlota López.
O programa formativo Medrando Xuntas permitiu que as mulleres participantes traballasen habilidades clave como a comunicación, a organización, o liderado, a toma de decisións, a participación interna e a mellora da confianza profesional, ao tempo que se fomentou a creación dunha rede de mulleres que se apoian, colaboran e comparten recursos e que se deron a coñecer proxectos que están a transformar a economía. En primeiro lugar, Medrando Xuntas contou cun programa formativo para reforzar a súa participación nas entidades de economía social. En segundo lugar, a formación para directivas estaba dirixida a mulleres con responsabilidades de dirección ou proxección cara ao liderado.
Unha alianza entre o Instituto Tecnolóxico de Galicia (ITG) e as compañías Naturgy InnovaHub e Flythings Technologies desenvolverá unha plataforma enerxética que transformará residuos en produtos de alto valor engadido. Neste caso transformaranse residuos como lodos de depuradora, restos orgánicos e biomasas, en produtos de alto valor engadido como biocombustibles (hidrochar e biometano) e vectores enerxéticos sostibles (hidróxeno e syngas). Para iso, a nova unidade mixta combinará distintas tecnoloxías e incorporará sistemas híbridos de almacenamento con baterías e supercondensadores, ademais de empregar ferramentas como Internet das cousas, os xemelgos dixitais e a aprendizaxe automática.
