sábado, 19 de septiembre de 2026
Non obstante, na xornada 10 comezaron a entrar as altas presións dende o sur, que quedaron instaladas ao norte da península Ibérica e persistiron -sen apenas variacións- ata final de mes, impedindo a chegada de borrasca do Atlántico, é dicir, as chuvias.
Esta situación anticiclónica deixou unha temperatura media -para o conxunto de estacións que compoñen a serie rexional- de 8,4 ºC, é dicir, 0,4 ºC máis respecto da media 1981-2010, polo que esta diferenza positiva permite considerar o primeiro mes do ano como cálido, aclarou Vázquez Mejuto, quen indicou que un precedente similar atópase no mes de xaneiro de 2012.
A conselleira tamén destacou os amplos contrates térmicos día/noite, sobre todo nas zonas interiores da Comunidade, como Xinzo de Limia ou Verín, onde se acadaron temperaturas por debaixo dos -10 ºC e nas horas centrais do día acadaron valores próximos aos 15 ºC.
Precipitacións
Ángeles Vázquez sinalou que as chuvias no mes de xaneiro estiveron un 64% por debaixo do valor climático normal, tal e como se extrae dos rexistros de precipitación das dezaseis estacións meteorolóxicas representativas. Á vista deste descenso, xaneiro considérase moi seco e hai que botar a vista aos primeiros meses de 2017 (-62%) e de 2012 (-68%) para atopar un precedente similar.
Así, a media acumulada de chuvia en Galicia para xaneiro foi de 58 L/m2 e destaca o contraste entre a zona oeste de Galicia (con valores locais de 130 L/m2) e varias comarcas da provincia de Ourense, onde se rexistraron os valores máis baixos de precipitación -unha media de 15 L/m2-, incluso nalgunha localidade da comarca de Valdeorras non se chegou aos 5 L/m2.
Por último, engadiu que este contraste tamén é manifesto nos días de chuvia rexistrados nas cidades galegas. A modo de exemplo, explicou que en Ourense se contabilizaron tres xornadas de chuvia, cando o valor climático habitual son 11, fronte ás 8 de Pontevedra, sendo 15 a media climática.
MeteoGalicia, un referente
A conselleira de Medio Ambiente salientou que MeteoGalicia é un organismo referente climatolóxico e científico, a nivel nacional e europeo.
Destacou que desde a súa posta en marcha -no ano 2000- experimentou unha evolución constante, non só coa ampliación e mellora da rede de observación meteorolóxica galega -con 157 estacións de rexistro e 1.104 sensores repartidos por todo o territorio- senón tamén pola información meteorolóxica que ofrece á sociedade.
Nese sentido, avanzou que -nas vindeiras semanas- MeteoGalicia presentará o seu novo modelo de predición, co que facilitará información sobre a previsión do tempo, as precipitacións, a temperatura ou o vento nunha escala de resolución dun quilómetro.
Medio milleiro de investigadoras e investigadores e máis de 150 actividades científicas nas sete cidades galegas: Vigo, Ourense, Pontevedra, Santiago, A Coruña, Ferrol e Lugo. Así se celebrará en Galicia a sexta edición da Noite Galega das Persoas Investigadoras, G-Night 2026, unha actividade na que a comunidade científica galega une talento e esforzos co obxectivo de achegar a ciencia á cidadanía e espertar vocacións científicas, ao tempo que se ofrecen propostas de lecer científico, cultural e educativo para toda a familia.
A Xunta de Galicia reclama ao Goberno central medidas estruturais de apoio ao sector agrogandeiro. Do mesmo xeito, esíxese que se teña en conta a realidade de cada territorio á hora de levar a cabo estas actuacións, que deben executarse de xeito urxente. Así o trasladou a conselleira do Medio Rural, María José Gómez, na Conferencia Sectorial celebrada en Madrid, na que se dirixiu ao ministro de Agricultura, Pesca e Alimentación, Luis Planas, para facer estas reclamacións. Alí, reafirmou tamén o compromiso do Executivo galego con este sector.
