miércoles, 30 de julio de 2025
Así mesmo, no catálogo conviven talentos emerxentes como Lucía Estévez (O niño dos paxaros), Marta Valverde (30 70 60 120) ou Rebeca Lar (As árbores coñecen o son das balas) con realizadores xa consagrados como Ángel Santos (Así vendrá la noche), Eloy Domínguez (Rompente) e Lois Patiño (Sycorax, codirixida co arxentino Matías Piñeiro), ademais de incluír o debut como directora da actriz Nerea Barros (Memoria).
A meirande parte destas obras están a comezar o seu percorrido por festivais, aínda que nalgúns casos contan xa con importantes seleccións como as do FICX Xixón Film Festival de 2021, onde se exhibiu Así vendrá la noche, O niño dos paxaros e Sycorax, peza esta última que puido verse tamén nos certames de Cannes, Toronto, Nova York, Mar del Plata e PortoPostDoc. Pola súa banda, Memoria estreouse no Aguilar Film Festival; Só as árbores coñecen o son das balas, no de Cans, e a fita de Lucía Estévez gañou o premio á mellor curta do Ficinidie de Canarias.
Impulso á distribución das curtas galegas
En Clermont-Ferrand búscase ampliar as súas posibilidades de exhibición, reforzando a difusión de Shorts from Galicia a través dunha completa axenda de reunións cos representantes de festivais internacionais acreditados no encontro galo. Ademais, as curtas galegas terán tamén presenza na retrospectiva que o festival lle dedica a España como país convidado da 44ª edición.
Nesta programación especial Foco España, figuran catro premiadas producións de creadores galegos: Birdboy, de Pedro Rivero e Alberto Vázquez (2010); Anacos, de Xacio Baño (2012); Montaña en sombra, de Lois Patiño (2013), e Matria, de Álvaro Gago (2017). Ao tempo, estanse a desenvolver Market Screenings para o público profesional nos que tamén se inclúe A rabia, de Alberto Díaz.
Xunto co apoio á difusión deste formato, a Consellería de Cultura, Educación e Universidade impulsa a realización de curtametraxes galegas a través das correspondentes modalidades das subvencións a producións e coproducións audiovisuais de contido cultural galego e á promoción do talento audiovisual, que xestiona cada ano o seu departamento de Industrias Culturais. Así, por exemplo, as devanditas Rompente e A rabia resultaron adxudicatarias dunha axuda á produción nas convocatorias de 2019 e 2020, respectivamente.
A Xunta lembra as recomendacións á poboación para facer fronte á calor ante as temperaturas elevadas que se agardan entre hoxe e o xoves en diversas zonas de Galicia. Durante esta semana as altas presións están estacionarias ao norte da península ibérica con circulación do nordés. Con esta posición, o anticiclón achega unha masa de aire cálida procedente do sur da península ibérica e do norte de África que ocasiona un lixeiro aumento das temperaturas no sur de Galicia. Este aumento das temperaturas polo sur da comunidade deixará máximas durante o día de 30º e 35ºC entre o martes 29 e o xoves 31 na zona das Rías Baixas e no Miño de Pontevedra. Son temperaturas elevadas pero como se agardan mínimas entre 17º e 19ºC non se espera que sexan suficientes para xerar unha alerta por episodio de calor.
O tránsito de xullo a agosto en Atardecer no Gaiás chega con Mocho Gris e La Toñi, dúas propostas pop diferentes para o ciclo de concertos ao aire libre na Cidade da Cultura. O xoves 31 de xullo o dúo galego-portugués formado por Lucas de Centi (líder das bandas galegas Néboa e Mel) e João Neves (artista luso colaborador de Baiuca) actuará no escenario da Praza central cunha proposta que reúne elementos do indie, da electrónica e do jazz para darlle unha volta á música pop de ambos lados do Miño. Mocho Gris presentará o seu disco debut, titulado 2, un álbum que atravesa os códigos do pop alternativo e da canción tradicional galega e portuguesa.
