domingo, 25 de octubre de 2026
A iniciativa, que tamén ten como obxectivo coñecer outras realidades bibliotecarias e mellorar a formación dos profesionais, está aberta a calquera persoa interesada e supón un ambicioso proxecto artellado pola Biblioteca de Galicia con motivo da conmemoración neste 2021 do seu décimo aniversario. Neste sentido, Román Rodríguez salientou o papel que estes centros están a ter para facer máis accesible e achegar a cultura ao gran público e en 2022 o Goberno autonómico destinará preto de 3M aos museos, bibliotecas e arquivos.
A dixitalización será unha das claves das contas para a cultura en 2022, cunha ampliación de iniciativas como o proxecto Memoria Dixital de Galicia co que a Xunta está a protexer e divulgar o patrimonio documental. Tamén se manterán as liñas de apoio para mellora das coleccións das bibliotecas públicas e da plataforma de préstamo Galicia Le.
Os asistentes á xornada, tanto presencialmente no Auditorio Neira Vilas como os que a seguen en directo a través da canle de YouTube da Cidade da Cultura, achéganse á situación de cada comunidade autónoma no que ten que ver coa organización da xestión de tarefas que habitualmente se lle asignan a unha biblioteca autonómica ou rexional. Así, nos vindeiros días expoñeranse modelos como o doutras comunidades.
A Biblioteca Nacional de España e o Ministerio de Cultura e Deporte achega un complemento a esa visión da xestión autonómica sobre todo no eido da dixitalización ou a xestión de Depósito Legal ou outras como as novas normas de catalogación RDA.
A Biblioteca de Galicia segue a celebrar o seu décimo aniversario
Con esta xornada técnica e coa mostra dedicada a Emilia Pardo Bazán, que será inaugurada proximamente no vestíbulo do edificio da Biblioteca de Galicia, ponse remate a un ano de celebracións por mor do décimo aniversario da institución, que tivo ao longo deste 2021 un programa especial de actividades. De feito, aínda pode visitarse a exposición que fai un percorrido por máis de 70 obras representativas das súas coleccións.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
