viernes, 26 de abril de 2024
En canto á demanda externa, as exportacións de bens e servizos baixaron un 2,7% e as importacións de bens e servizos caeron un 5,7%.
No que respecta á oferta, só o sector servizos rexistrou taxas de variación positivas cun crecemento do 5,1%. Pola súa banda, o sector da construción baixou un 5,6%, o sector primario descendeu un 2,2% e a industria un 0,2%.
Ademais, os datos da contabilidade trimestral do IGE mostran que o emprego medido en termos de postos de traballo equivalentes a tempo completo- tivo un crecemento do 4%, o que supuxo un incremento de 39.294 postos de traballo respecto do mesmo trimestre do ano anterior.
Este comportamento positivo do emprego permitiu crecementos en todos os sectores, sendo os maiores na construción (5,8%) e nos servizos (4,4%), cun avance do 4,7% na rama de comercio, transporte e hostalería. Na industria os postos de traballo equivalentes a tempo completo creceron un 2,0% e no sector primario un 1,2%.
A Formación Profesional galega contará a partir do vindeiro curso co dobre de inglés do marcado como mínimo na normativa básica estatal e permitirá ao alumnado realizar ata 700 horas de formación práctica, ata un 82% máis que ata o momento. Todo isto mantendo o peso da formación no centro educativo, cuxo profesorado é o piar fundamental do éxito acadado polo sistema galego de FP nos últimos anos. O modelo de FP de éxito tense adiantado e implementado moitos dos cambios que agora o Ministerio toma como sistema a imitar en toda España. Polo tanto a aplicación da nova lei vai ser flexible, de tal forma que en Galicia se manteña a excelencia e se incorporen as novidades.
Foi presentado o evento The Way Startup Summit 2024, que un ano máis convertirá a Vigo no maior foro de emprendemento, innovación e investimento no Noroeste de España e cita de referencia a nivel nacional. O programa de They Way contempla tres grandes escenarios ao redor da innovación, o emprendemento e o investimento, así como a organización de espazos de networking entre os asistentes, co obxectivo de que establezan contactos, intercambien coñecementos e propíciense sinerxias entre eles. The Way desenvolverase os días 9 e 10 de maio abordando temas como os retos de futuro das FinTech, da mobilidade, da alimentación, do retail, do turismo, do deporte ou do téxtil, entre outras áreas.
