domingo, 28 de diciembre de 2025
En todo caso, o conselleiro subliñou que esa flexibilización deberá respectar o marco establecido polas autoridades sanitarias galegas, así como na Declaración de Actuacións Coordinadas (DAC) entre os ministerios de Sanidade e Educación e as comunidades autónomas.
Os integrantes do Comité Educativo coincidiron en que esta apertura tería un impacto positivo para o conxunto da comunidade educativa polo que deberían terse en conta á hora dunha modificación do protocolo, sempre co aval do Comité Clínico, a quen se trasladará unha proposta para a súa avaliación.
Cerca do 90% das empresas galegas con máis de 10 persoas empregadas utiliza aplicacións de software libre e a porcentaxe é de máis do 67% no caso das microempresas. Os datos forman parte do estudo O Software Libre nas Empresas de Galicia elaborado polo Observatorio da Sociedade da Información en Galicia (Osimga), adscrito á Axencia para a Modernización Tecnolóxica de Galicia. Os datos proceden da Enquisa sobre o uso de TIC e comercio electrónico nas empresas, que realiza o INE anualmente, que cede os datos a OSIMGA en virtude do convenio de colaboración. Entre os programas máis utilizados destacan os navegadores de Internet (95,5%), as aplicacións ofimáticas (75,3%) e os sistemas operativos libres (51,5%).
A Consellería de Sanidade publica, na súa páxina web, o informe de actividade das infeccións respiratorias agudas correspondente á semana do 15 ao 21 de decembro, que sinala que a actividade gripal en Galicia continúa con intensidade media e con tendencia decrecente. Segundo os datos recollidos polo servizo de vixilancia epidemiolóxica da Dirección Xeral de Saúde Pública, xa se acadou o pico da onda epidémica da gripe. Respecto da semana anterior, rexístrase un descenso na taxa de consultas por gripe en atención primaria dun 5 %.
