martes, 10 de noviembre de 2026
Con eles búscase recoñecer a aquelas empresas artesás que, conservando a súa esencia de oficio tradicional, destacan pola creatividade, responsabilidade social e medioambiental, adaptación ao mercado e capacidade de innovación. Ao mesmo tempo, prémiase ás institucións e empresas que teñan contribuído de xeito significativo a impulsar o traballo artesán.
En total, a XIV edición dos Premios Nacionais de Artesanía recibiu 116 candidaturas procedentes de toda España e de multitude de sectores, das cales foron seleccionados 15 proxectos finalistas, tres por cada unha das cinco categorías dos galardóns.
Finalistas galegos
O obradoiro de xoiería compostelán Noroeste Obradoiro que xa fora gañador do Premio Artesanía de Galicia 2016 opta ao Premio Produto por Línea, unha colección de xoias que reflicten a súa filosofía de traballo xa que as pezas están inspiradas no concepto da liña, deixando sempre presente o valor da simplicidade xeométrica e unha textura delicada sobre o metal, ouro ou prata, que o converte en pel. A colección baséase nun conxunto de colares, pulseiras e pendentes en ouro, prata e mixtos, ocasionalmente con mínimos engadidos de pequenas pedras de cor ou diamantes en engastes sinxelos.
Na categoría Premio ao Emprendemento compiten as outras dúas candidaturas galegas. Por unha banda, o obradoiro Variopinto (Santiago de Compostela), que xa resultara gañador da Bolsa Eloy Gesto 2019 nos Premios Artesanía de Galicia e co segundo premio Versiona Thyssen 2020. A firma, con Minia Banet á fronte, é un estudio creativo que mestura a fotografía co bordado contemporáneo dando lugar a singulares pezas de decoración e accesorios que comercializa en tendas físicas e online de España, Francia e Alemaña. Foi creado en 2017 co obxectivo de aprender, conservar e modernizar unha técnica milenaria como é o bordado tradicional.
A outra empresa galega finalista nesta categoría é o obradoiro coruñés Rígido, especializado en xoiería. O proxecto veu a luz en 2020 da man de Carla Barral e Javier González coa intención de comunicar que a artesanía pode ser deseño, que pode ser moda e, sobre todo, que a artesanía e a produción local son un camiño necesario nos hábitos de consumo do século XXI.
O presidente da Xunta, Alfonso Rueda, informou hoxe de que o Goberno autonómico prevé publicar antes de que remate o ano a nova normativa de desenvolvemento do decreto de FP, aprobado este ano, para actualizar os currículos destas ensinanzas e incorporar tres novas figuras docentes. Así se recolle nos informes da Consellería de Educación, Ciencia, Universidades e FP , que abordan tanto esta nova regulación como o lanzamento da primeira convocatoria do selo Empresa comprometida coa FP dual, un distintivo para recoñecer ás empresas máis implicadas con estas ensinanzas, que acreditará o seu traballo e que implicará beneficios.
Lugo e Láncara acolleron do 5 ao 7 de novembro as II Xornadas Anuais de Pensamento Galego, dedicadas nesta segunda edición á figura de Ramón Piñeiro. O encontro, organizado por Egeria reuniu especialistas, investigadores e representantes do ámbito cultural e académico arredor do pensamento, a traxectoria vital e o compromiso coa lingua e a cultura galegas dun dos intelectuais máis relevantes do século XX. As xornadas inauguráronse o xoves 5 de novembro na Casa do Concello de Lugo coa participación da alcaldesa, Elena Candia, e a presentación da exposición bibliográfica 'Eu, Ramón Piñeiro' e da web ramonpineiro.gal (desenvolvida por GaliciaDigital).
