sábado, 18 de abril de 2026
Isto permitiu sacar adiante o curso grazas a unha serie de decisións urxentes cun único obxectivo acadar a máxima seguridade nas aulas e que a crise sanitaria non derivase nunha crise educativa, expresou.
Neste sentido, apuntou como unha das mellores decisións tomadas a de apostar por manter un ensino practicamente ao 100% presencial en todos os niveis educativos, incluíndo a educación obrigatoria, o Bacharelato e case plena tamén na FP, fronte a outros modelos doutras comunidades autónomas ou países como o portugués que se incorporaron á presencialidade máis tarde. Non foi un proceso doado, pero foi posible habilitando as condicións sociosanitarias necesarias para blindar o entorno académico e grazas ao intenso e extraordinario traballo do conxunto da comunidade educativa, expresou.
Durante o relatorio recordou medidas implementadas durante o pasado curso académico como a creación dos equipos covid en cada centro galego para a divulgación e posta en marcha dos protocolos no entorno educativo; a creación da ferramenta Educovid, para favorecer o rastrexo de positivos, ou o importante reforzo de recursos humanos e loxísticos. Tamén se referiu a medidas de organización académica para lograr a continuidade da docencia no escenario dixital, a medidas específicas docentes e pedagóxicas de atención educativa así como a posta en marcha de ferramentas como o órgano asesor Comité Educativo, para manter os piares do noso sistema como son a calidade e equidade, expresou.
Galicia está preparada
Sobre o curso pasado, podemos dicir que cumprimos os obxectivos, reiterou o conselleiro quen salientou, ademais, que os resultados demostran que as aulas foron lugares seguros ao longo do curso 20-21 cun 3,7% de incidencia en educación, por debaixo da media de persoas contaxiadas no conxunto da poboación galega.
Incidiu, igualmente, en que a situación epidemiolóxica nos centros rexistrou unha evolución parella á do conxunto da sociedade constatando que os sistemas de prevención e detección precoz empregados ao longo de todo o curso funcionaron de xeito correcto e as aulas non foron vectores de contaxio.
Este modelo de éxito, dixo, é agora un aval para afrontar o novo curso con garantías coa intención de que sexa un curso de transición e que o ensino vaia recuperando progresivamente a normalidade en liña co resto da sociedade, indicou. A este respecto sinalou que Galicia está preparada e os avances na vacinación e a situación sanitaria serán tamén claves para ir revisando as medidas, como así o trasladou á ministra de Educación. Apuntou tamén que o sistema educativo galego disporá este ano de todos os recursos humanos e materiais para garantir a seguridade sanitaria e blindar a calidade.
O FIV de Vilalba volverá reunir na localidade lucense unha programación destacada da escena independente e alternativa estatal, cun cartel no que figuran nomes como Carlos Ares, Alcalá Norte, La M.O.D.A. e Ángel Stanich, xunto a outras propostas moi presentes no panorama actual como Repion, Puño Dragón, Celia Becks, Futuro Alcalde, Grande Osso e Rapariga DJ. A boa resposta do público nas últimas semanas confirma, ademais, a gran acollida desta edición, coa previsión de que Vilalba volva encherse de ambiente festivalero a próxima fin de semana. A programación do FIV de Vilalba desenvolverase entre o Escenario Vibra Mahou, o Escenario #Fiver by Lactalis e a Zona DJ, consolidando un formato que combina os grandes concertos nocturnos coa actividade diúrna do sábado.
Galicia sitúase como a comunidade autónoma con menor porcentaxe de pacientes que agardan máis de 60 días por unha consulta co especialista. Así o referendan os datos publicados polo Ministerio de Sanidade sobre listas de espera no Sistema Nacional de Saúde a peche de 2025. Segundo os datos, en decembro de 2025 a comunidade galega situouse como a cuarta rexión española con mellores tempos medios de espera no ámbito das primeiras consultas. Neste eido, o Servizo Galego de Saúde rexistrou unha media de 63 días de espera, fronte aos 102 do Sistema Nacional de Saúde. Estas cifras reflicten que os galegos esperan 39 días menos para acceder a unha consulta co especialista que a media dos españois.
