domingo, 24 de mayo de 2026
Composto por membros da Dirección Xeral de Patrimonio Cultural, do Comité Internacional de Expertos do Camiño de Santiago e por investigadores en materia xacobea, entre outros, o xurado valorou as candidaturas presentadas en función de catro criterios centrados nas intervencións encamiñadas á protección do patrimonio, os traballos de investigación, documentación e fomento do Camiño de Santiago e do fenómeno xacobeo para difundilo entre a cidadanía, a posta en marcha de accións de sensibilización e fomento do asociacionismo ou as accións encamiñadas a potenciar valores propios do Camiño na súa dimensión espiritual, solidaria e social.
Dotado con 10.000 euros
Como resultado, a Asociación Amigos del Camino de Santiago en Ávila e a Asociación de los Amigos del Camino de Santiago de Hungría obtiveron empate nas puntuacións acadadas, polo que compartirán o premio, dotado cunha contía de 10.000 euros. No caso da asociación abulense, o xurado valorou o traballo de sinalización e conservación do Camiño de Santiago, pero tamén o seu labor de divulgación e acollida e hospitalidade na esmerada atención aos peregrinos.
Pola súa banda, no caso da Asociación de Amigos do Camiño de Hungría valorouse o seu esforzo por recuperar e manter a esencia dun Camiño que vertebra Centroeuropa identificando as rutas históricas do chamado Camiño Húngaro, así como polas súas iniciativas a prol do mesmo e a súa labor de divulgación a través da xestión de oficinas en Budapest e Szeged.
O xurado dos Premios Elías Valiña acordou propoñer a título póstumo a mención especial a José Carro Otero, médico, antropólogo, docente e académico galego, pero tamén un destacado investigador da Historia e da arte, que finou en abril deste ano. Quérese recoñecer así súa contribución co seu traballo entusiasta de toda unha vida a favor da investigación e a divulgación do fenómeno xacobeo mediante unha perspectiva científica e humanista integral.
O ciclo xa ofreceu xa en marzo e abril as actuacións de Andhrea & The Black Cats na Pecera de Vigo e na Pousada da Galiza Imaxinaria, de Sabela King & The Heartbreakers e The Lakazans en La Room, de Ferrol, e continuará mañá venres 22 de maio co concerto de Berlai na sala boirense. A programación seguirá o 30 de maio con Habelas Hainas, na sala Guión de Pontedeume; o 13 de xuño con Cachas & Cousins, no Club Clavicémbalo, de Lugo; o 1 de agosto con Habelas Hainas, na Arca da Noe, de Vilar de Santos; o 11 de setembro con Sacha na Horta, no Club Clavicémbalo; o 10 de outubro con Blues do País e O Sindicato da Verbena, na Arca da Noe; o 24 de outubro con The Lakazans e o 28 de novembro con Habelas Hainas, estas dúas últimas no Pub Gatos, de Melide.
A conselleira de Medio Ambiente e Cambio Climático, Ángeles Vázquez, denunciou que o Goberno central está a comprometer a viabilidade das explotacións gandeiras coa súa postura sobre a protección do lobo. Durante unha visita que realizou en Vilalba a unha explotación gandeira en extensivo que sufriu varios ataques de lobo, a conselleira explicou que o sector gandeiro está a sufrir as consecuencias do empeño do Ministerio para a Transición Ecolóxica en que o estado de conservación desta especie sexa desfavorable.
