miércoles, 16 de septiembre de 2026
Ademais, durante 2020, o impacto da pandemia tería incidido no perfil de quen decide camiñar a Compostela, persoas cunha media de idade inferior á rexistrada en anos anteriores á pandemia e cunha motivación máis lúdica.
Estes son algúns dos datos recollidos nunha memoria e un vídeo coordinados pola directora do Instituto de Estudos e Desenvolvemento de Galicia da USC (IDEGA), Dolores Riveiro. O traballo recibiu financiamento da convocatoria de proxectos de investigación para 2020 da Cátedra institucional do Camiño e as Peregrinacións, promovida pola USC e Turismo da Xunta de Galicia.
Ademais dunha enquisa entre persoas que peregrinaron durante o verán de 2020, o informe toma en consideración os datos estatísticos recompilados na Oficina do Peregrino. Segundo estes últimos, o maior impacto no período de verán (entre xullo e setembro) prodúcese no Camiño Portugués pola Costa e, polo contra, o menor impacto concéntrase no Camiño Primitivo, que tamén sería o que presenta un menor impacto no acumulado ata setembro. Comparando cos datos do ano 2019, o informe sinala o incremento da proporción de peregrinos co seu orixe noutra comunidade autónoma, do 42% (2019) ao 70% o pasado ano.
Polo que respecta ás características de sexo e idade, os datos mostran unha maior presenza de homes, así como unha diminución de persoas de maior idade. Ademais gañan peso os traxectos máis curtos, feitos dende Galicia, ademais de observar unha maior dispersión no lugar de inicio do percorrido. Segundo o traballo dirixido por Dolores Riveiro, redúcese tamén a porcentaxe de persoas que inician o Camiño soas. No relativo á motivación, o informe identifica unha diminución de quen decide realizar o Camiño por unha motivación relixiosa, de carácter espiritual ou experiencia persoal e aumenta a daquelas persoas cuxa motivación é máis de tipo lúdica. Este cambio explicaríase porque a principal motivación para facer o Camiño o pasado ano estivo asociada con facer turismo ou vacacións e co goce da cultura e a arte do Camiño.
Ademais da análise do perfil dos peregrinos e peregrinas, no estudo analizouse como afectou a COVID-19 á toma de decisión dos que decidiron realizar o Camiño en 2020. Neste apartado, a interacción con outros peregrinos e o tipo de aloxamento foron os aspectos máis sinalados polas persoas consultadas, xunto ao feito destacado de que un de cada catro non tería peregrinado de non ser pola pandemia. A enquisa tamén permitiu valorar as medidas adoptadas no sector fronte á pandemia: maioritariamente, as respostas da enquisa sinalan que as medidas adoptadas para previr contactos foron correctas, destacando os comercios e os hoteis.
O Festival Maré celebrará do 23 ao 27 de setembro a súa sétima edición en Santiago de Compostela, cunha programación que volve situar a cidade como punto de encontro de culturas, linguas e diferentes expresións musicais. A cita reunirá artistas de máis de 16 países e con representación de 12 linguas. A programación desta sétima edición estará formada por máis de 30 espectáculos, catro producións propias, oito propostas inéditas en Galicia e unha estrea absoluta. Entre os principais nomes do cartel atópanse Aterciopelados, Bia Ferreira, Omar Souleyman, Haydée Milanés & Javier Colina, Ala.ni, António Zambujo, Magalí Sare & Vox Stellae e Marcos Coll.
Foi prsentada a Visión Estratéxica 2026-2028 da Asociación Europea de Cooperación Territorial (AECT) da Eurorrexión GaliciaNorte de Portugal. A visión estratéxica ofrece un novo marco de actuación co que se pretende reforzar o papel da cooperación transfronteiriza e consolidar a Eurorrexión Galicia-Norte de Portugal como un espazo común de oportunidades, coñecemento, innovación, competitividade e desenvolvemento. Ademais, estrutura a intervención da AECT en cinco grandes áreas -cultura, turismo, xuventude e emprego transfronteirizo e investigación e competitividade-, consolidando proxectos cun impacto recoñecido e abrindo novas frontes de cooperación entre Galicia e o Norte de Portugal.
