lunes, 10 de agosto de 2026
Neste sentido, cabe salientar que Galicia é a Comunidade autónoma que máis medra no conxunto estatal no que as exportacións de maio se refiren con respecto ao mesmo mes do ano anterior. O 109,7% galego sitúase máis de 17 puntos por riba do 92,4% de Castela e León.
Neste escenario, o acumulado do ano reflicte, tamén, un mellor comportamento das vendas ao exterior da Comunidade. As exportacións galegas aumentaron, entre xaneiro e maio, un 41,4%, achegándose nos cinco primeiros meses do ano aos 9500 millóns. De manterse este ritmo no que resta de 2021, as exportacións galegas pecharán de novo o exercicio por riba dos 20.000 millóns de euros. Así mesmo, a porcentaxe das vendas ao exterior da Comunidade nestes cinco meses tamén case duplica a reflectida polo conxunto estatal, cuxo crecemento se sitúa no 23,5%.
Galicia mantén en positivo a súa balanza comercial, cun saldo favorable próximo aos 1600 millóns de euros entre as exportacións e as importacións contabilizadas entre xaneiro e maio de 2021, mentres que en España a balanza continúa en números vermellos.
Entre as industrias que están detrás do ascenso das exportacións en maio figuran a automoción, cun incremento próximo ao 145% con respecto ao mesmo mes de 2020; o téxtil, con máis dun 281%; ou produtos do reino animal que sobe un 33%. Por países, todos os estados cos que o peso do comercio galego é significativo, aumentan, producíndose, no marco da Unión Europea, os maiores ascensos nos tres principais compradores: Francia (72%), Italia (129,2%) e Portugal (56,0%). Con respecto ao resto de países e no referente ás exportacións, destaca o aumento das dirixidas cara a Australia, que suman o 12,5% do total das exportacións galegas de maio.
O apoio da Xunta de Galicia
Na procura de acompañar este traballo das empresas no actual contexto e de contribuír a súa recuperación económica, a Xunta de Galicia ten reforzado as liñas de apoio á internacionalización do tecido empresarial galego.
Así, durante estes meses estivo aberta a convocatoria do Galicia Exporta Dixital, que conta con 6 millóns de euros para impulsar as vendas internacionais de pemes, autónomos e comercios a través de ferramentas dixitais innovadoras; e o Foexga, plan desenvolto en colaboración coas cámaras de comercio para desenvolver accións de internacionalización en máis de 20 países.
Tamén durante este período se facilitaron axudas para a contratación de expertos en comercio exterior, que facilitarán a incorporación ao mercado laboral de 75 mozos e maiores de 45 anos en situación de desemprego grazas a unha dotación que ascende a dous millóns de euros.
A loita contra os incendios forestais suma un novo aliado tecnolóxico ao servizo de toda a sociedade. A aplicación móbil ALume, deseñada para facilitar que calquera persoa poida dar a alarma sobre un foco de lume de forma inmediata e precisa, xa se atopa plenamente operativa e dispoñible para a súa descarga de balde nas plataformas Android e iOS. O obxectivo principal desta ferramenta é potenciar a detección temperá dos incendios forestais. Nunha emerxencia no monte, os primeiros minutos son decisivos para evitar que un foco inicial se converta nun gran incendio; por iso, ALume nace para acurtar os tempos de aviso e facilitar ao servizo de extinción datos exactos antes de despregar os medios sobre o terreo. Cabe sinalar que a aplicación leva xa 7.000 descargas e 200 notificacións que axudaron ao operativo.
Un dos grandes atractivos desta undécima edición será a estrea de dez novos espectáculos, todos eles impulsados por compañías galegas, un dato que evidencia o dinamismo creativo do sector dos monicreques na Comunidade. A programación abrirase coa nova versión de A festa dos títeres, presentada por Viravolta, Vai de Roda e Títeres Alakrán, para continuar coa estrea de Treco-lerias, de Trécola Producións, e A rosa de papel, adaptación ao teatro de monicreques do texto de Valle-Inclán realizada por Alakrán.
