domingo, 22 de marzo de 2026
Tamén interviñeron Stefania Giannini, subdirectora xeral de Educación da UNESCO (quen desenvolveu a súa participación en liña); Miguel A. Santos Rego, presidente do Comité Organizador do Congreso; e Gonzalo Jover Olmeda, presidente da Sociedade Española de Pedagoxía. O foro estenderase ata o 9 de xullo.
O feito de que Compostela acolla este Congreso ten que ver co magnífico traballo que desenvolve o noso profesorado nas Facultades de Ciencias da Educación e de Formación do Profesorado, sinalou Antonio López para despois reivindicar o valor dos servizos públicos, entre eles, a educación, peza clave para saír da situación na que nos atopamos. A educación é a pedra fundamental que fai que avancemos na protección do planeta, na prosperidade das persoas, na igualdade e na integración, engadiu.
A relevancia do Congreso baséase en potenciar liñas de indagación sobre amplas temáticas no universo educativo como a educación ante o desafío da diversidade e a inclusión social; a innovación e o cambio educativo; o liderado, calidade e educación en rede; a orientación educativa nun mundo conectado; a avaliación como leito de optimización educativa na sociedade do benestar; e/ou, de maneira xeral, a educación, o desenvolvemento persoal e os procesos de aprendizaxe.
A través do encontro científico deslízanse enfoques e modelos diverxentes, dando lugar a un debate académico entre investigadores e profesionais pertencentes a un amplo conxunto de países no ámbito da educación. Neste sentido, o Congreso aborda temáticas de especial actualidade e que teñen cada vez un maior auxe como é a necesidade dunha maior e óptima conectividade tanto a nivel tecnolóxico como social, continúan dende o comité organizador. Non podemos esquecer a crise pandémica derivada da COVID-19 que deixou patente as posibilidades e, á súa vez, limitacións do uso das tecnoloxías nos procesos de ensino e aprendizaxe, engaden.
Máis de 700 inscritos/as
Esta é a segunda vez que Compostela acolle este encontro que xa tivo lugar no ano 1984. Nesta ocasión, inscribíronse ao redor de 750 persoas procedentes de Portugal, Brasil, México, Arxentina, Chile, Ecuador, Paraguai, Uruguai, Suíza, Italia, ou Bolivia, entre outros. Ademais, o evento conflúe coa celebración da World Education Research Association (WERA) Focal Meeting, con 700 persoas rexistradas, na que se busca presentar investigacións comparativas, transculturais, internacionais ou transnacionais na súa conceptualización, alcance ou deseño.
O Congreso achega evidencias significativas ao redor da folla de ruta que segue a Estratexia de Especialización Intelixente de Galicia (RIS-3) e que, por tanto, permite continuar expandindo o coñecemento como leito de mellora e innovación social, explican dende a organización. O Encontro implica un revulsivo para traballar cara a unha maior cohesión e progreso conxunto na consecución dos desafíos que a educación ten por diante nos próximos anos. A meta é alcanzar unha Iberoamérica conectada, orgullosa da súa plural identidade e disposta a facer da educación unha sólida garantía de futuro, conclúen.
Libro de resumos
O libro de resumos deste foro acaba de ser editado polo Servizo de Publicacións e Intercambio Científico da USC baixo o título La educación en Red: realidades diversas, horizontes comunes. Coordinado por Mar Lorenzo Moledo, Anaïs Quiroga-Carrillo, e Miguel A. Santos Rego, esta publicación reúne os resumos dos máis de 600 traballos enviados ao evento, organizados en liñas temáticas e segundo o tipo de contribución (simposios, comunicacións e pósteres).
Coralinda é unha comedia xestual dirixida a público familiar e infantil. A través dunha linguaxe xestual fundamentada na manipulación de obxectos e na interacción constante co dispositivo escénico, a obra constrúe un universo cómico e poético que transita do realismo á hipérbole da vida cotiá. Unha proposta escénica ao estilo dos debuxos animados que aborda a temática da inmigración e do medio ambiente desde o humor, a poesía visual e a emoción. A obra convida a reflexionar sobre as experiencias das persoas que viaxan lonxe da súa terra.
Foi presentadoo o novo festival Sons de Vigo que se celebrará do 27 de marzo ao 4 de abril no Ifevi. Este evento aposta tanto por grandes nomes do panorama nacional como por artistas locais da escena galega. A presentación, celebrada no Paseo das Avenidas, xunto ao monumento a Julio Verne como un dos símbolos de Vigo, contou coa actuación de Castle e Milutxo, músicos locais que ofreceron varios dos seus temas. Sons de Galicia forma parte da programación dos Concertos do Xacobeo organizados pola Xunta de Galicia, unha iniciativa que impulsa a celebración de grandes citas musicais en Galicia. O ciclo comezará o 27 de marzo con Lingua Urbana, un dos cinco eventos musicais que acollerá o Ifevi dentro desta programación.
