domingo, 10 de mayo de 2026
O director xeral de Relacións Exteriores e coa UE, Jesús Gamallo, representou hoxe a Galicia na asemblea xeral da Comisión do Arco Atlántico (CAA), que foi inaugurada polo presidente do Goberno vasco, Íñigo Urkullu, como presidente deste foro e na que tamén participou o presidente de Norte de Portugal. Durante a reunión, adoptouse unha declaración política a prol da cohesión socioeconómica e territorial nas rexións atlánticas, que este ano viron as súas economías dobremente afectadas, por mor da pandemia e do Brexit. Neste sentido, a declaración sinala que estas rexións teñen unha gran oportunidade na economía marítima en todas as súas facetas, tales como os portos, a conservación dos mares, os recursos pesqueiros e o turismo sostible.
Máis alá do aspecto marítimo, este foro que reúne rexións de Irlanda, Reino Unido, Francia, Portugal e España continúa a reivindicar a necesidade de que a Estratexia Marítima Atlántica evolucione hacia unha macrorrexión atlántica seguindo o exemplo das xa existentes, como as do Mar Báltico, o Danubio ou os Alpes. Este novo instrumento permitiría reforzar a dimensión política e de cooperación no seno da conca marítima, implicar máis ao nivel rexional e vincular os desafíos marítimos cos ligados ás zonas de interior.
A Comisión do Arco Atlántico invita aos Estados membros a que dean mandato á Comisión Europea para desenvolver esta nova macrorrexión. Na reunión, esta demanda recibiu o apoio da Presidencia portuguesa do Consello, o Parlamento Europeo e do secretario de Estado de Asuntos Europeos do Goberno de España, Juan González Barba.
Durante a súa intervención, o director xeral destacou o traballo que a rexión galega fixo, ao longo dos últimos catro anos, como coordinadora do grupo de traballo Brexit da CAA para transmitir as inquedanzas e demandas das rexións atlánticas a raíz da saída do Reino Unido da UE. Neste sentido, Gamallo avogou pola inclusión do Reino Unido dentro do espazo de actuación da estratexia marítima. Ademais, mostrou a súa confianza en que o Plan de Acción Atlántico 2.0, posto en marcha hai uns meses, dea lugar a proxectos comúns emblemáticos na cunca marítima.
Comisión do Arco Atlántico
A Comisión do Arco Atlántico é unha das seis comisións xeográficas da Conferencia de Rexións Marítimas Periféricas. Con aproximadamente 60 millóns de habitantes, representa o 12% da poboación europea. As rexións atlánticas comparten un litoral atractivo, que garante unha alta calidade de vida e brinda grandes oportunidades a sectores como o transporte marítimo, as enerxías mariñas ou a construción naval. Pero este potencial tamén representa un desafío ambiental, social e económico, ademais de que a súa situación periférica representa un reto en termos de planificación do territorio e desenvolvemento económico. Galicia forma parte deste foro atlántico dende a súa constitución en 1989.
A programación desta nova edición volverá combinar espectáculos de sala, funcións de rúa, instalacións, música e propostas participativas arredor do mundo dos monicreques, con compañías galegas como Tanxarina Títeres, Títeres Alakrán, Babaluva, Mircromina, Trécola Producións, Troula Animación ou Bico de Toupa, xunto a formacións chegadas de diferentes puntos do Estado e de países como Francia, Italia, Portugal, Uruguai ou Arxentina. Entre as montaxes destacadas figura A Biblioteca Galáctica contra IA Fantástica, de Tanxarina Títeres, recoñecida nos Premios María Casares 2026, ademais de propostas premiadas como Gloria Bendita, de Arteria Producciones, ou Érase unha vez
dous pés!, da italiana Teatro dei Piedi.
Os bos resultados acadados nos últimos anos en biotecnoloxía sitúan a Galicia nunha posición de referencia neste sector, con moita proxección de futuro. A biotecnoloxía pasou de ser unha aposta estratéxica a converterse nun sector económico e científico con masa crítica, capacidades diferenciais e resultados medibles. Así o amosan os resultados acadados na execución da Estratexia de consolidación do sector en Galicia 21-25. Entre eles, destaca a creación de 30 novas empresas biotecnolóxicas, acadando a cifra de 162 compañías actuais; unha facturación de 2.037 millóns de euros, que cuadriplica a de 2021 e se sitúa no 2,6% do PIB; ou o aumento do emprego cualificado vencellado ao sector, acadando as 5.693 persoas traballadoras, tres veces máis desde 2021.
