sábado, 13 de junio de 2026
Logo de lembrar que esta iniciativa forma parte dunha batería de incentivos destinados á reactivación do consumo, entre os que destacan o Plan Renove Electrodomésticos, o Bono Comercio-Enerxía Peme e as axudas á dixitalización do comercio, Feijóo subliñou que, cun orzamento de 10 millóns de euros, o Bono Activa Comercio aspira a xerar unha mobilización de 55 millóns, a través de bonos desconto de 30 euros.
Así mesmo, precisou que, por sectores, a iniciativa tivo gran acollida no téxtil e calzado, con 1.151 establecementos (30% do total); no comercio polo miúdo de libros e papelería (393); e en salóns de peiteado e barberías (332).
Por último, Feijóo destacou que 126.000 galegos xa descargaron o bono para realizar as súas compras nestes dous primeiros meses, incidindo en que esta iniciativa, á que se pode ter acceso a través da web bonosactivacomercio.gal, continúa aberta para os consumidores.
Foron presentados os novos equipamentos do Centro de Supercomputación de Galicia) instalación que vai incorporar un segundo computador cuántico, denominado IQM Spark. O novo supercomputador e os dous novos computadores cuánticos que se van adquirir situarán a nosa Comunidade na vangarda europea en canto a capacidade de almacenamento de datos e participación en grandes proxectos internacionais. En canto aos computadores cuánticos, o de menor capacidade (5 cúbits), dedicarase exclusivamente a tarefas de formación, probas de concepto e de algoritmia, complementando así ao de maior capacidade (54 cúbits), que será o buque insignia.
A Xunta exixe o rescate da AP-9 e asina cos Gobernos de Asturias e Castela e León e o tecido empresarial das tres comunidades a Declaración Compostela, que insta á Comisión Europea a culminar o ditame sobre as prórrogas da AP-9 e AP-66. A conselleira de Vivenda e Planificación de Infraestruturas, María Martínez Allegue, interveu no encontro 'As infraestruturas viarias do Noroeste', organizado pola Confederación de Empresarios de Galicia.
