lunes, 14 de septiembre de 2026
A Xunta traballa na recuperación da confianza dos viaxeiros cun destino seguro, sostible e de calidade. Nesta liña, o Goberno galego defende que apostar pola calidade supón un valor engadido e contribúe á diferenciación de Galicia como destino turístico para obter maior competitividade. Así, as case 300 empresas galegas certificadas coa Q de Calidade Turística confirman a calidade do turismo da comunidade, ao igual que as 111 bandeiras azuis concedidas este ano ás nosas praias, os 11 destinos recoñecidos polo Sistema Integral de Calidade Española en Destinos (SICTED) e, en canto á gastronomía as 15 Estrelas Michelin e 29 Soles Respsol dos restaurantes galegos.
Ademais, a Administración autonómica defende que calidade é o camiño a seguir neste Xacobeo dobre porque constitúe un elemento diferenciador que fai que quen visita Galicia repita e que estes visitantes se convertan nos mellores embaixadores do destino e da marca Galicia. Por iso, o Goberno galego destina este ano 3,5 millóns a actuacións en aloxamentos e locais de restauración co obxectivo, entre outros, de mellorar a súa calidade, ademais e axudar aos concellos e establecementos e servizos turísticos a renovar a súa Q de calidade.
Galicia ofrece valores que están a demandar os turistas neste escenario marcado pola pandemia cun turismo tranquilo e non masificado espazos abertos e en contacto coa natureza. Neste senso, a Xunta vén apoiando ao sector na posta en marcha de medidas para reforzar a seguridade como o seguro coronavirus, dotado con 1,4 millóns de euros para ofrecer un plus de tranquilidade aos visitantes ao cubrir os seus gastos ante un caso de infección por covid-19 ou corentenas.
Ademais, a Xunta ten en marcha iniciativas de fomento do consumo interno como a Tarxeta Bono Turístico #QuedamosenGalicia, que tivo unha gran acollida ao esgotarse as tarxetas en só 12 horas, xunto coa reactivación do programa Elixe Galicia. Entre ambas iniciativas a Xunta prevé inxectar 10 millóns de euros no sector turístico para axudarlle na súa reactivación.
A reposición dálle continuidade á aposta do Centro Dramático Galego por recuperar títulos do seu repertorio que manteñen a demanda do público máis alá da súa primeira exhibición. No caso de 'A serie clopen', as 33 funcións ofrecidas no Salón Teatro durante a súa estrea en 2025 reuniron arredor de 5.500 espectadores, antes de iniciar unha serie de representacións por outros espazos de Galicia e de Portugal. O regreso aos escenarios prodúcese despois do recoñecemento acadado pola produción nos Premios de Teatro María Casares, pois obtivo dous galardóns: Natalia Pajarito, como mellor actriz protagonista, e Marta Alonso Tejada, pola dirección de movemento.
O sábado 12 de setembro chegará un dos pratos fortes do ciclo: A Movida Viguesa e a Homenaxe a Golpes Bajos. Esta histórica xornada supón o regreso aos escenarios de artistas fundamentais para comprender a historia musical de Vigo e de Galicia. Bandas e músicos que naceron na cidade e que, desde aquí, conquistaron o panorama nacional e mesmo internacional. Reunir nun mesmo escenario a Golpes Bajos, Semen Up, Miguel Costas de Siniestro Total, Killer Barbies e Stoned at Pompei é moito máis que un concerto: é unha homenaxe a unha xeración irrepetible e a unha cidade que marcou unha época dentro da música española.
