viernes, 27 de junio de 2025
Ademais, contén actividades creativas para a rapazada e un glosario de termos teatrais. Este recurso pedagóxico estáselles a enviar aos centros de ensino que participan no programa de visitas en liña Os segredos do Salón Teatro para traballar nas aulas os diferentes aspectos das representacións e dos espazos onde se desenvolven.
Das musas ao teatro está dispoñible tamén no web do CDG e no portal de Lingua Galega para consulta de todas as persoas interesadas en coñecer as características dalgúns dos teatros galegos máis significativos pola súa historia, así como os principais elementos artísticos e técnicos que se utilizan na escena. O traballo contou coa colaboración do director e dramaturgo Quico Cadaval e do equipo do CDG.
Teatros galegos
A publicación comeza cun percorrido por diferentes espazos teatrais de Galicia, como o Teatro da Beneficencia de Ortigueira, o Teatro Principal de Ourense, e o Teatro Principal e o Salón Teatro de Santiago de Compostela. Tamén se inclúen o Teatro Jofre de Ferrol, o Teatro Pastor Díaz de Viveiro, o Teatro Rosalía Castro e o Teatro Colón da Coruña, o Teatro Afundación (antigo García Barbón) de Vigo e o Teatro Principal de Pontevedra. Canto ao Salón Teatro, pódese ver unha ilustración do interior na que se identifican as diferentes zonas de oficinas, de camerinos ou o despacho de billetes, entre outras.
A continuación faise un repaso polos principais elementos das representacións, coas personaxes e máscaras; a luz, cunha explicación dos diferentes recursos técnicos utilizados; e a escenografía, tamén coas correspondentes técnicas. Cada unha destas partes recolle actividades creativas para realizar en papel.
Finalmente, pecha o traballo un amplo glosario de terminoloxía teatral integrado por 76 entradas en orde alfabética coas súas respectivas definicións.
A difusión deste recurso pedagóxico enmárcase no obxectivo da Consellería de Cultura, Educación e Universidade de potenciar a interacción entre a realidade educativa e a das artes escénicas, ao igual que o programa de visitas en liña para centros de ensino Os segredos do Salón Teatro. A través deste, o director do CDG, Fran Núñez, guía cada mércores o alumnado dos centros participantes polas instalacións cunha explicación dos diferentes oficios que conflúen para facer posible cada representación.
Nun momento de auxe das intelixencias artificiais xerativas, 'Castelao. Mirar por Galicia' aposta polo emprego destas tecnoloxías para achegar a nosa historia e a nosa cultura a todo tipo de públicos, aproveitando todo o potencial das novas linguaxes, pero tamén facéndoo dun xeito ético e responsable, sen deixar de lado o necesario traballo de autor. O estudio compostelán Maxina é responsable do deseño conceptual, animación e deseño desta experiencia, baixo a dirección artística de Carlos Seijo, mais son numerosas as empresas galegas que forman parte deste proxecto, entre as que se atopa o Laboratorio Numax, ao cargo do deseño gráfico en sala; a produtora audiovisual Miramemira, responsable dos audiovisuais; MADA producións, que se ocupou da accesibilidade; Daexga, que se encargou do transporte e montaxe, e Vifer, de cuxa autoría é a instalación de gráfica.
Música, territorio e natureza son os eixos fundamentais do Fisterra Experience, unha singular cita musical que regresa esta fin de semana á vila mariñeira de Fisterra co apoio dos Concertos do Xacobeo para celebrar a súa segunda edición os días 27, 28 e 29 de xuño. Fisterra Experience busca achegarse á arte dun modo cercano, ofrecendo experiencias únicas e inspiradoras. O festival explora as posibilidades que ofrecen o territorio e a natureza de Fisterra, desde unha ollada sostible e comunitaria. Entre as bandas e artistas destacados do seu cartel, danse cita nomes como Baiuca, Mondra, Helena Egea, Sabela & The Heartbreakers, A Pedreira e Andhrea & The Blacks Cats, entre moitos outros. Deste modo, o Fisterra Experience renace neste 2025 para ofrecer unha experiencia musical cualitativa que vai da electrónica ao soul, do pop ao jazz e a nova música tradicional, entre outros sons, nunha contorna única.
