miércoles, 16 de septiembre de 2026
Na reunión tamén participaron a secretaria de Estado da Valorização do Interior, Isabel Ferreira, o secretario de Estado das Infraestruturas, Jorge Moreno Delgado, o presidente da Comissão de Coordenação e Desenvolvimento Regional do Norte (CCDR-N), António Cunha, o presidente da Câmara Municipal de Melgaço, Manoel Batista Calçada Pombal, e outros rexedores dos municipios transfronteirizos.
Vázquez Mourelle subliñou que cómpre sumar esforzos e avanzar en proxectos de interese común para Galicia e Portugal, tanto nas infraestruturas viarias como ferroviarias, coa fin de reforzar a competitividade de ambos territorios.
Os Gobernos galego e luso coincidiron na prioridade da conexión en alta velocidade entre Vigo e Porto, así como na necesidade de aproveitar os fondos europeos para o seu financiamento para apuntalar as potencialidades da Eurorrexión.
O Goberno luso vén manifestando a súa intención de impulsar a nova liña de alta velocidade cara á fronteira galega. A conselleira indicou que cómpre un compromiso similar por parte do Goberno español de avanzar no AVE Vigo-Porto e a Saída sur de Vigo.
Vázquez Mourelle urxiulle ao Goberno de España unha planificación completa de obras e investimentos, aproveitando os fondos europeos Conectar Europa e de recuperación Next Generation.
Destacou que é necesario e imprescindible que o Goberno de España impulse a Saída Sur de Vigo, coa licitación do estudo informativo para a continuidade do Eixe Atlántico cara á fronteira.
Esta liña supón a redución nun 57% do tempo de percorrido entre Vigo e Porto, situando a Vigo a escasos 10 minutos de Portugal, polo que a conselleira puxo en valor a alta velocidade entre ambos os territorios para ofrecer máis e mellores oportunidades aos cidadáns.
No que respecta ás infraestruturas viarias, sinalou que é estratéxica a ponte internacional entre Salvaterra de Miño e Monçao, polo que a Xunta e o Goberno de Portugal están a impulsar conxuntamente a súa renovación, cun investimento de 1,5 M.
Trátase da rehabilitación estrutural, cun proxecto promovido polo departamento de Infraestruturas de Portugal, pendente de licitar e para o que se está a tramitar o correspondente convenio, segundo apuntou a conselleira.
Tamén concretou a ampliación da plataforma, para a construción dunha ciclovía, atendendo a proposta promovida polos concellos de Salvaterra e Monçao.
Precisou que o Goberno galego tamén considera fundamental as comunicacións entre a provincia de Ourense e o norte de Portugal. Neste sentido, a Consellería de Infraestruturas está a redactar o proxecto para o acondicionamento da estrada autonómica OU-540, entre Celanova e a fronteira.
Ethel Vázquez detallou que o obxectivo é someter a información pública e iniciar a tramitación ambiental deste proxecto nesta primavera.
Fixo fincapé en que esta actuación, cun investimento de 9 M, suporá unha mellora cualitativa nas comunicacións con Portugal, para os case 7.000 veciños da Baixa Limia que percorren cada día a estrada.
O Executivo autonómico xa solicitou fondos europeos do Plan de Recuperación para a anterior intervención e tamén para o acondicionamento da estrada OU-533, entre A Gudiña e A Rúa, que facilitará o acceso á estación do AVE e suporá unha mellora das comunicacións coa fronteira lusa.
Na liña de aproveitar as potencialidades da estación do AVE da Gudiña, a Xunta, a Deputación de Ourense e 17 concellos da raia asinaron unha declaración institucional para o impulso da conexión da autovía Macedo de Cavaleiros e Vinhais coa A-52.
O Festival Maré celebrará do 23 ao 27 de setembro a súa sétima edición en Santiago de Compostela, cunha programación que volve situar a cidade como punto de encontro de culturas, linguas e diferentes expresións musicais. A cita reunirá artistas de máis de 16 países e con representación de 12 linguas. A programación desta sétima edición estará formada por máis de 30 espectáculos, catro producións propias, oito propostas inéditas en Galicia e unha estrea absoluta. Entre os principais nomes do cartel atópanse Aterciopelados, Bia Ferreira, Omar Souleyman, Haydée Milanés & Javier Colina, Ala.ni, António Zambujo, Magalí Sare & Vox Stellae e Marcos Coll.
Foi prsentada a Visión Estratéxica 2026-2028 da Asociación Europea de Cooperación Territorial (AECT) da Eurorrexión GaliciaNorte de Portugal. A visión estratéxica ofrece un novo marco de actuación co que se pretende reforzar o papel da cooperación transfronteiriza e consolidar a Eurorrexión Galicia-Norte de Portugal como un espazo común de oportunidades, coñecemento, innovación, competitividade e desenvolvemento. Ademais, estrutura a intervención da AECT en cinco grandes áreas -cultura, turismo, xuventude e emprego transfronteirizo e investigación e competitividade-, consolidando proxectos cun impacto recoñecido e abrindo novas frontes de cooperación entre Galicia e o Norte de Portugal.
