sábado, 24 de octubre de 2026
Na compaña do conselleiro de Educación, Román Rodríguez, o responsable da carteira sanitaria da Xunta, Julio García Comesaña, precisou que os docentes serán citados polas áreas sanitarias daqueles concellos onde se emprace o seu centro educativo e que, as inoculacións, terán lugar nos diferentes hospitais da comunidade.
Citaremos á comunidade docente por orde alfabética e non por centros, co ánimo de que o proceso de vacinación sexa compatible co desempeño do seu labor e así influír o menos posible na atención educativa, salientou García Comesaña.
Pola súa banda, o conselleiro de Educación subliñou que estamos diante dunha noticia notable para a comunidade educativa. Así, remarcou que a Xunta priorizou a vacinación deste colectivo profesional conscientes do importante papel que desempeñan. Deste xeito, Galicia convértese nunha das primeiras comunidades autónomas nas que se está vacinando ao persoal educativo.
Cribado da poboación estudantil universitaria
O conselleiro de Sanidade tamén anunciou hoxe que durante os vindeiros días 27 e 28 de febreiro e, 1 e 2 de marzo, o Servizo Galego de Saúde realizará cribados ao conxunto do estudantes das tres universidades galegas. Deste xeito, García Comesaña informou que o estudantado universitario será citado no transcurso desta semana mediante un SMS, para acudir á realización dun test de antíxenos en dispositivos de alta capacidade.
Foi inaugurada no Museo do Pobo Galego a exposición 'Transfronteiriza', da artista e cineasta tudense Diana Gonçalves, que permanecerá aberta ao público ata o 28 de marzo de 2027. A mostra parte do documental 'Mulleres da Raia', da mesma autora, e froito de tres anos de investigación. A través da linguaxe cinematográfica, de materiais documentais, arquivos históricos e elementos patrimoniais, a proposta constrúe unha experiencia arredor da memoria compartida entre Galicia e o norte de Portugal. En concreto, Transfronteiriza recupera a memoria das mulleres que viviron na fronteira entre ambos territorios a mediados do século XX, que desempeñaron un papel fundamental no comercio transfronteirizo e na supervivencia económica das familias.
Trátase dunha iniciativa que nace como evolución de Circo Presente Continuo e que se vai desenvolver por primeira vez fóra de Madrid. A Cidade da Cultura, o Teatro Principal e o Salón Teatro serán as súas sedes na capital galega, reunindo artistas, compañías, profesionais da programación, distribuidoras e institucións para compartir proxectos e favorecer novas oportunidades de colaboración e contratación. O programa inclúe oito espectáculos, seis mostras breves e catro traballos en proceso. Entre as propostas figuran Naufragio, de Labsurda; Serena, de Circ Bover; Matrimonio, de Kolektivo Konika; Siku, de Jessica Arpin; e Sen patrón, de Pistacatro, que ofreceu un adianto artístico durante a presentación.
